வெஸ்ட் இண்டீஸ் அணி இலங்கையில் சுற்றுப்பயணம் மேற்கொண்டு மூன்று போட்டிகளை உள்ளடக்கிய ஒருநாள் மற்றும் டி20 தொடர்களில் விளையாடவுள்ளது. இதில் நடைபெற்று வரும் டி20 தொடரின் முதல் ஆட்டத்தில் வெஸ்ட் இண்டீஸ் அணியும், இரண்டாவது போட்டியில் இலங்கை அணியும் வெற்றிபெற்று 1-1  என்ற கணக்கில் தொடரை சமன்செய்துள்ளன.

இந்நிலையில் இலங்கை - வெஸ்ட் இண்டீஸ் அணிகளுக்கு இடையேயான டி20 தொடரின் வெற்றியாளரைத் தீர்மானிக்கும் மூன்றாவது மற்றும் கடைசி டி20 போட்டி தம்புளாவில் உள்ள ரங்கிரி தம்புளா சர்வதேச மைதானத்தில் இன்று நடைபெறுகிறது. இப்போட்டியில் டாஸ் வென்ற வெஸ்ட் இண்டீஸ் அணி முதலில் பேட்டிங் செய்வதாக அறிவித்து இலங்கை அணியை பந்துவீச அழைத்துள்ளத்ஜு. 

இன்றைய போட்டிக்காக வெஸ்ட் இண்டீஸ் அணியில் ஷாய் ஹோப், ஃபேபியன் ஆலன் ஆகியோர் சேர்க்கப்பட்டுள்ளனர். அதேசமயம் இலங்கை அணியில் எந்த மாற்றமும் செய்யப்படவில்லை. இத்தொடரில் இரு அணிகளும் ஏற்கெனவே தலா ஒரு வெற்றியைப் பதிவுசெய்து அசத்திய நிலையில், இப்போட்டியில் எந்த அணி வெற்றிபெற்று தொடரை வெல்லும் என்ற எதிர்பார்ப்புகள் ரசிகர்கள் மத்தில் அதிகரித்துள்ளது.

வெஸ்ட் இண்டீஸ் பிளேயிங் லெவன்: பிராண்டன் கிங், எவின் லூயிஸ், ஷாய் ஹோப், ரோஸ்டன் சேஸ், ஷெர்ஃபேன் ரூதர்ஃபோர்ட், குடாகேஷ் மோட்டி, ரோவ்மன் பாவெல்(கே), ரொமாரியோ ஷெப்பர்ட், ஃபேபியன் ஆலன், அல்ஸாரி ஜோசப், ஷமர் ஜோசப்

இலங்கை பிளேயிங் லெவன்: பதும் நிஷங்கா, குசல் மெண்டிஸ், குசல் பெரேரா, கமிந்து மெண்டிஸ், சரித் அசலங்கா(கே), பானுக ராஜபக்ஷ, வனிந்து ஹசரங்கா, துனித் வெல்லாலகே, மஹீஷ் தீக்ஷனா, மதீஷா பதிரானா, நுவன் துஷார.