ஐசிசி ஆடவர் டி20 உலகக்கோப்பை கிரிக்கெட் தொடரில் இன்று ரசிகர்கள் பெரிதும் எதிர்பார்த்து காத்திருந்த போட்டியான இந்தியா மற்றும் பாகிஸ்தான் அணிகளுக்கு இடையேயான லீக் போட்டியானது நடைபெறவுள்ளது. நியூயார்க்கில் உள்ள நசாவ் கவுண்டி சர்வதேச கிரிக்கெட் மைதானத்தில் நடைபெறும் இப்போட்டியின் டாஸ் நிகழ்வானது மழை காரணமாக தாமதமானது. அதன்பின் நடைபெற்ற இப்போட்டியின் டாஸ் நிகழ்வில் டாஸ் வென்றுள்ள பாகிஸ்தான் அணியானது முதலில் பந்துவீசுவதாக அறிவித்து இந்திய அணியை பேட்டிங் செய்ய அழைத்துள்ளது. 

இன்றைய போட்டிக்கான இந்திய அணியில் எந்த மாற்றங்களும் செய்யப்படாத நிலையில், பாகிஸ்தான் அணியில் அசாம் கான் நீக்கப்பட்டு இமாத் வசீம் சேர்க்கப்பட்டுள்ளார். அரசியல் காரணங்களினால் இவ்விரு அணிகளும் ஐசிசி தொடர்களை கடந்த மற்ற எந்த போட்டிகளிலும் விளையாடாமல் இருப்பதால் ஒவ்வொரு முறையும் இவ்விரு அணிகள் மோதும் போட்டிக்கு கூடுதல் எதிர்பார்ப்புகள் உள்ளன. இதனால் நாளைய போட்டியில் எந்த அணி வெற்றிபெற்று ஆதிக்கம் செலுத்தும் என்ற எதிர்பார்ப்புகள் அதிகரித்துள்ளன.

இந்தியா: ரோஹித் சர்மா(கே), விராட் கோலி, ரிஷப் பந்த், சூர்யகுமார் யாதவ், ஷிவம் துபே, ஹர்திக் பாண்டியா, ரவீந்திர ஜடேஜா, அக்ஸர் படேல், ஜஸ்பிரித் பும்ரா, முகமது சிராஜ், அர்ஷ்தீப் சிங்.

பாகிஸ்தான்: முகமது ரிஸ்வான், பாபர் ஆசாம்(கே), உஸ்மான் கான், ஃபகார் ஸமான், ஷதாப் கான், இஃப்திகார் அகமது, இமாத் வாசிம், ஷாஹீன் அஃப்ரிடி, ஹாரிஸ் ரவூஃப், நசீம் ஷா, முகமது அமீர்.