வெஸ்ட் இண்டீஸில் சுற்றுப்பயணம் மேற்கொண்டுள்ள இந்திய அணியானது அங்கு 3 போட்டிகள் கொண்ட ஒருநாள் தொடர் மற்றும் 5 போட்டிகள் கொண்ட டி20 தொடரில் பங்கேற்று விளையாட திட்டமிட்டுள்ளது. அதன்படி இந்தியா - வெஸ்ட் இண்டீஸ் அணிகளுக்கு இடையேயான முதல் ஒருநாள் போட்டியில் இந்திய அணி 3 ரன்கள் வித்தியாசத்தில் த்ரில் வெற்றிபெற்றது.

இதையடுத்து இவ்விரு அணிகளுக்கும் இடையேயான இரண்டாவது ஒருநாள் போட்டி இதே குயின்ஸ் பார்க் ஓவல் மைதானத்தில் இன்று நடைபெறுகிறது. இப்போட்டியில் டாஸ் வென்றுள்ள வெஸ்ட் இண்டீஸ் அணி முதலில் பேட்டிங் செய்ய தீர்மானித்துள்ளது.

இன்றைய போட்டிக்கான இந்திய அணியில் ஆவேஷ் கான் அறிமுக வீரராக சேர்க்கப்பட்டுள்ளார். பிரஷித் கிருஷ்ணா அணியிலிருந்து நீக்கப்பட்டுள்ளார்.

வெஸ்ட் இண்டீஸ்: ஷாய் ஹோப், பிராண்டன் கிங், ஷமர் ப்ரூக்ஸ், கைல் மேயர்ஸ், நிக்கோலஸ் பூரன்(கே), ரோவ்மேன் பவல், அகேல் ஹொசைன், ரொமாரியோ ஷெப்பர்ட், அல்ஸாரி ஜோசப், ஜேடன் சீல்ஸ், ஹேடன் வால்ஷ்

இந்தியா: ஷிகர் தவான்(கே), ஷுப்மான் கில், ஷ்ரேயாஸ் ஐயர், சூர்யகுமார் யாதவ், சஞ்சு சாம்சன், தீபக் ஹூடா, அக்சர் படேல், ஷர்துல் தாக்கூர், முகமது சிராஜ், யுஸ்வேந்திர சாஹல், அவேஷ் கான்