இந்திய அணி தற்போது வெஸ்ட் இண்டீஸ் சுற்றுப்பயணத்தில் 5 போட்டிகள் கொண்ட டி20 தொடரில் விளையாடி வருகிறது. இத்தொடரில் இதுவரை நடைபெற்ற 4 போட்டிகளில் முதலிரண்டில் வெஸ்ட் இண்டீஸும், கடைசி இரண்டு போட்டிகளில் இந்திய அணியும் வெற்றிபெற்று 2-2 என்ற கணக்கில் தொடரில் சமநிலையில் உள்ளன. 

இந்நிலையில் தொடரின் வெற்றியாளரைத் தீர்மானிக்கும் கடைசி டி20 போட்டி இன்று புளோரிடா மாகாணத்தில் நடைபெறுகிறது. இப்போட்டியில் டாஸ் வென்றுள்ள இந்திய அணி கேப்டன் ஹர்திக் பாண்டியா முதலில் பேட்டிங் செய்வதாக அறிவித்துள்ளது. இன்றைய போட்டிக்கான இந்திய அணியில் எந்த மாற்றங்களும் செய்யப்படவில்லை.

வெஸ்ட் இண்டீஸ்: பிராண்டன் கிங், கைல் மேயர்ஸ், ஷாய் ஹோப், நிக்கோலஸ் பூரன்(வ), ரோவ்மேன் பவல்(கே), ஷிம்ரோன் ஹெட்மியர், ஜேசன் ஹோல்டர், ரோஸ்டன் சேஸ், ரொமாரியோ ஷெப்பர்ட், அகேல் ஹொசைன், அல்ஸாரி ஜோசப்

இந்தியா: யஷஸ்வி ஜெய்ஸ்வால், ஷுப்மான் கில், சூர்யகுமார் யாதவ், திலக் வர்மா, ஹர்திக் பாண்டியா(கே), சஞ்சு சாம்சன், அக்சர் படேல், குல்தீப் யாதவ், அர்ஷ்தீப் சிங், யுஸ்வேந்திர சாஹல், முகேஷ் குமார்.