வெஸ்ட் இண்டீஸில் சுற்றுப்பயணம் மேற்கொண்டுள்ள தென் ஆப்பிரிக்க அணி 2 போட்டிகள் கொண்ட டெஸ்ட் தொடரில் விளையாடவுள்ளது. அதன்படி இவ்விரு அணிகளுக்கும் இடையேயான முதலாவது டெஸ்ட் போட்டியானது இன்று (ஆகஸ்ட் 07) டிரினிடாட்டில் உள்ள குயின்ஸ் பார்க் ஓவல் மைதானத்தில் நடைபெறுகிறது. இந்நிலையில் இப்போட்டியில் டாஸ் வென்றுள்ள தென் ஆப்பிரிக்க அணி முதலில் பேட்டிங் செய்வதாக அறிவித்து, வெஸ்ட் இண்டீஸ் அணியை பந்துவீச அழைத்துள்ளது.

இப்போட்டியில் விளையாடும் இரு அணியிலும் நட்சத்திர வீரர்கள் இடம்பிடித்துள்ளதால் இப்போட்டியில் எந்த அணி வெற்றிபெறும் என்ற எதிர்பார்ப்புகள் அதிகரித்துள்ளன. மேற்கொண்டு இது உலக டெஸ்ட் சாம்பியன்ஷிப் தொடரின் அங்கமாகவும் நடைபெறவுள்ளது இத்தொடரின் மீது இரு அணிகளும் கூடுதல் கவனத்துடன் விளையாடும் என எதிர்பார்க்கப்படுகிறது. 

வெஸ்ட் இண்டீஸ்: கிரேக் பிராத்வைட்(கே), மைக்கேல் லூயிஸ், கேசி கார்டி, அலிக் அதானாஸ், காவேம் ஹாட்ஜ், ஜேசன் ஹோல்டர், ஜோசுவா டா சில்வா, கீமார் ரோச், ஜெய்டன் சீல்ஸ், குடகேஷ் மோட்டி, ஜோமெல் வாரிகன்

தென் ஆப்பிரிக்கா: ஐடன் மார்க்ரம், டோனி டி ஸோர்ஸி, டிரிஸ்டன் ஸ்டப்ஸ், டெம்பா பவுமா(கே), டேவிட் பெட்டிங்ஹாம், ரியான் ரிக்கெல்டன், கைல் வெர்ரைன், வியான் முல்டர், கேசவ் மஹராஜ், ககிசோ ரபாடா, லுங்கி இங்கிடி