மகளிர் பிரீமியர் லீக் (டபிள்யூபிஎல்) தொடரின் இரண்டாவது சீசன் நேற்று கோலாகலமாக தொடங்கியது.  மொத்தம் 5 அணிகள் பங்கேற்கும் இந்தத் தொடர் பெங்களூரு மற்றும் டெல்லி என இரண்டு இடங்களில் நடக்கிறது. அதன்படி இன்று நடைபெறும் இரண்டாவது லீக் போட்டியில் ஸ்மிருதி மந்தனா தலைமையிலான ராயல் சேலஞ்சர்ஸ் பெங்களூரு அணியை எதிர்த்து,அலிசா ஹீலி தலைமையிலான யுபி வாரியர்ஸ் அணி பலப்பரீட்சை நடத்துகிறது. 

இப்போட்டியில் டாஸ் வென்றுள்ள யுபி வாரியர்ஸ் அணி முதலில் பந்துவீசுவதாக அறிவித்துள்ளது. இரு அணிகளிலும் அதிரடி வீராங்கனைகள் நிறைந்திருப்பதால் இப்போட்டியில் எந்த அணி வெற்றிபெறும் என்ற எதிர்பார்ப்பு அதிகரித்துள்ளது. 

ராயல் சேலஞ்சர்ஸ் பெங்களூரு: ஸ்மிருதி மந்தனா(கே), சோஃபி டிவைன், சப்பினேனி மேகனா, எலிஸ் பெர்ரி, ரிச்சா கோஷ், சோஃபி மோலினக்ஸ், ஜார்ஜியா வேர்ஹாம், ஸ்ரேயங்கா பாட்டீல், சிம்ரன் பகதூர், சோபனா ஆஷா, ரேணுகா தாக்கூர் சிங்.

யுபி வாரியர்ஸ்: அலிசா ஹீலி(கே), சோஃபி எக்லெஸ்டோன், தஹ்லியா மெக்ராத், தீப்தி ஷர்மா, ராஜேஸ்வரி கயக்வாட், கிரண் நவ்கிரே, விருந்தா தினேஷ், பூனம் கெம்னார், ஸ்வேதா செஹ்ராவத், கிரேஸ் ஹாரிஸ், சைமா தாக்கூர்.