மகளிர் பிரீமியர் லீக் தொடரின் 3ஆவது சீசன் விறுவிறுப்பான கட்டத்தை எட்டியுள்ளது. இத்தொடரில் நாளை நடைபெறும் 13ஆவது லீக் போட்டியில் டெல்லி கேப்பிட்டல்ஸ் அணியை எதிர்த்து மும்பை இந்தியன்ஸ் அணி பலப்பரீட்சை நடத்தவுள்ளது.பெங்களூருவில் உள்ள எம் சின்னசாமி கிரிக்கெட் மைதானத்தில் நடைபெறும் இப்போட்டியில் டாஸ் வென்றுள்ள டெல்லி கேப்பிட்டல்ஸ் அணி முதலில் பந்துவீசுவதாக அறிவித்துள்ளது. 

நடப்பு டபிள்யூபிஎல் தொடரில் மும்பை இந்தியன்ஸ் அணி விளையாடிய 4 போட்டிகளில் 3 வெற்றி 1 தோல்வியுடன் புள்ளிப்பட்டியலின் முதலிடத்தில் உள்ளது. அதேசமயம் டெல்லி கேப்பிட்டல்ஸ் விளையாடிய 5 போட்டிகளில் மூன்று வெற்றி, இரண்டு தோல்வியுடன் புள்ளிப்பட்டியளின் இரண்டாம் இடத்தில் உள்ளது. இதனால் இப்போட்டியில் எந்த அணி வெற்றிபெற்று புள்ளிப்பட்டியலில் முன்னிலை பெறும் என்ற எதிர்பார்ப்புகள் அதிகரித்துள்ளன.

டெல்லி கேப்பிட்டல்ஸ்: மெக் லானிங் (கேப்டன்), ஷஃபாலி வர்மா, மரிஸான் கேப், அனபெல் சதர்லேண்ட், ஜெமிமா ரோட்ரிக்ஸ், ஜெஸ் ஜோனாசென், சாரா பிரைஸ், மின்னு மணி, நிகி பிரசாத், ஷிகா பாண்டே, டைட்டாஸ் சாது

மும்பை இந்தியன்ஸ்: ஹீலி மேத்யூஸ், யாஸ்திகா பாட்டியா, நாட் ஸ்கைவர்-பிரண்ட், அமெலியா கெர், ஹர்மன்ப்ரீத் கவுர் (கேப்டன்), அமன்ஜோத் கவுர், எஸ் சஜானா, ஷப்னிம் இஸ்மைல், சமஸ்கிருதி குப்தா, ஜி கமாலினி, ஜிந்திமணி கலிதா