ஐசிசி உலக டெஸ்ட் சாம்பியன்ஷிப் தொடரின் இரண்டாம் பதிப்பின் இறுதி ஆட்டத்தில் இந்தியா - ஆஸ்திரேலியா அணிகள் மோதுகின்றன. இந்த ஆட்டம், வரும் ஜூன் 7 முதல் 11ஆஆம் தேதி வரை லண்டனின் ஓவல் மைதானத்தில் நடைபெறவுள்ள நிலையில் 12-ஆம் தேதி ‘ரிசா்வ்’ நாளாக இருக்கிறது. 

இந்நிலையில் இத்தொடருக்கான இந்திய அணியின் கூடுதல் வீரராக ருதுராஜ் கெய்க்வாட் சேர்க்கப்பட்டிருந்தார். இந்நிலையில்,  ருதுராஜிக்கு ஜூன் 3,4 ஆம் தேதிகளில் திருமணம் நிகழ்ச்சிகள் நடைபெற உள்ளதால் அவரால் இங்கிலாந்துக்கு குறித்த நேரத்தில் செல்ல முடியாது. ஜூன் 5க்குப் பிறகு வருவதாக ருதுராஜ் கூறியுள்ளதாக தகவல் வெளியாகியுள்ளது. 

இதற்கு பிசிசிஐ ருதுராஜிக்குப் பதிலாக மாற்று வீரராக ஜெய்ஸ்வாலை நியமித்துள்ளதாக தகவல்கள் தெரிவிக்கின்றன.  இந்திய வீரர்களில் ஏற்கனவே இங்கிலாந்திற்கு சென்று பயிற்சி எடுத்து வருகின்றனர். இன்று ரோஹித், இஷான் கிஷனும் மே30ஆம் தேதி ஷமி, கில், ஜடேஜா இங்கிலாந்து கிளம்ப உள்ளனர்.