ஜிம்பாப்வேவில் சுற்றுப்பயணம் செய்துவரும் வங்கதேச அணி, ஒரு டெஸ்ட், 3 ஒருநாள், 3 டி20 போட்டிகள் கொண்ட தொடரில் விளையாடி வருகிறது. இதில் டெஸ்ட் மற்றும் ஒருநாள் தொடரை வங்கதேச அணி வெற்றி பெற்று ஜிம்பாப்வே அணியை ஒயிட்வாஷ் செய்துள்ளது.

இந்நிலையில் இரு அணிகளுக்கும் இடையேயான மூன்று போட்டிகள் கொண்ட டி20 தொடர் இன்று முதல் தொடங்குகிறது. ஹராரேவில் நடைபெறும் முதல் போட்டியில் டாஸ் வென்ற ஜிம்பாப்வே அணி முதலில் பேட்டிங் செய்யத்தீர்மானித்துள்ளது. 

ஏற்கெனவே டெஸ்ட் மற்றும் ஒருநாள் தொடரில் படுதோல்வியைச் சந்தித்துள்ள ஜிம்பாப்வே அணி டி20 தொடரையாவது கைப்பற்றும் முனைப்போட்டு இன்றைய போட்டியில் விளையாடும் என எதிர்பார்க்கப்படுகிறது.

அதேசமயம் இன்றைய போட்டியில் வங்கதேச வீரர் தமிம் இக்பால், ஜிம்பாப்வே வீரர் பிராண்டன் டெய்லர் ஆகியோர் காயம் காரணமாக இப்போட்டியிலிருந்து விலகியுள்ளனர். 

பங்களாதேஷ் (விளையாடும் லெவன்): முகமது நைம், லிட்டன் தாஸ், ஷாகிப் அல் ஹசன், சௌமியா சர்க்கார், மஹ்முதுல்லா (கே), அஃபிஃப் ஹொசைன், நூருல் ஹசன், மெஹிதி ஹசன், முகமது சைபுதீன், முஸ்தாபிஸூர் ரஹ்மான், ஷரிஃபுல் இஸ்லாம்.

ஜிம்பாப்வே (விளையாடும் லெவன்): ரெஜிஸ் சகாப்வா, ததிவானாஷே மருமணி, வெஸ்லி மாதேவெர், தரிசாய் முசகந்தா, சிக்கந்தர் ராசா (கே), ரியான் பர்ல், டியான் மியர்ஸ், லூக் ஜோங்வே, வெலிங்டன் மசகாட்ஸா, பிளசிங் முசராபானி, ரிச்சர்ட் நாகரவா