ஜிம்பாப்வேவில் சுற்றுப்பயணம் மேற்கொண்டுள்ள இந்திய அணியானது 5 போட்டிகள் கொண்ட டி20 தொடரில் விளையாடி வருகிறது. இதில் நடைபெற்று முடிந்த முதலாவது போட்டியில் ஜிம்பாப்வே அணியும், இரண்டாவது போட்டியில் இந்திய அணியும் வெற்றியைப் பதிவுசெய்து டி20 தொடரை 1-1 என்ற கணக்கில் தொடரை சமனில் வைத்துள்ளனர். இதனையடுத்து இரு அணிகளுக்கும் இடையேயான மூன்றாவது டி20 போட்டியானது இன்று ஹராரே ஸ்போர்ட்ஸ் கிளப் மைதானத்தில் நடைபெறவுள்ளது.

இப்போட்டியில் டாஸ் வென்றுள்ள இந்திய அணி கேப்டன் ஷுப்மன் கில் முதலில் பேட்டிங் செய்வதாக அறிவித்துள்ளார். இன்றைய போட்டிக்கான இந்திய அணியில் சஞ்சு சாம்சன், யஷஸ்வி ஜெய்ஸ்வால், ஷிவம் தூபே ஆகியோர் இடம்பிடித்துள்ளனர். அதேசமயம் ஜிம்பாப்வே அணியிலும் இரண்டு மாற்றங்கள் செய்யப்பட்டுள்ளன. இப்போட்டியில் வெற்றிபெறும் அணி தொடரில் முன்னிலைப் பெறும் என்பதால் ரசிகர்களின் எதிர்பார்ப்புகள் அதிகரித்துள்ளன. 

இந்தியா அணி: யஷஸ்வி ஜெய்ஸ்வால், ஷுப்மான் கில், அபிஷேக் சர்மா, ருதுராஜ் கெய்க்வாட், சஞ்சு சாம்சன், ரிங்கு சிங், ஷிவம் தூபே, வாஷிங்டன் சுந்தர், அவேஷ் கான், ரவி பிஷ்னோய், கலீல் அஹ்மத்.

ஜிம்பாப்வே அணி : வெஸ்லி மதேவெர, தடிவானாஷே மருமணி, பிரையன் பென்னட், சிக்கந்தர் ரஸா (கே), தியான் மேயர்ஸ், ஜானதன் காம்ப்பெல், கிளைவ் மடாண்டே, வெலிங்டன் மஸகட்ஸா, ரிச்சர்ட் ந்ங்கரவா, பிளெஸிங் முசரபானி, டெண்டாய் சதாரா