travis head no 1

ஐசிசி ஆடவர் டி20 உலகக்கோப்பை கிரிக்கெட் தொடரின் 9ஆவது சீசன் அமெரிக்கா மற்றும் வெஸ்ட் இண்டீஸில் நடைபெற்றுவருகிறது. மொத்தம் 20 அணிகள் பங்கேற்றிருந்த இத்தொடரின் லீக் சுற்றுகள் முடிவில் இந்தியா, இங்கிலாந்து, தென் ஆப்பிரிக்கா மற்றும் ஆஃப்கானிஸ்தான் உள்ளிட்ட அணிகள் அரையிறுதிச்சுற்றுக்கு முன்னேறியுள்ளன. இதையடுத்து இத்தொடரின் அரையிறுதிச்சுற்றுக்கான போட்டிகள் நாளை நடைபெறவுள்ளன. 

இந்நிலையில் சர்வதேச கிரிக்கெட் கவுன்சிலான ஐசிசி இன்று டி20 வீரர்களுக்கான தரவரிசைப் பட்டியலை வெளியிட்டுள்ளது. அதன்படி பேட்டர்களுக்கான தரவரிசைப் பட்டியலில் முதலிடத்தில் இருந்த சூர்யகுமார் யாதவை பின்னுக்குத்தள்ளி ஆஸ்திரேலிய அணியின் அதிரடி தொடக்க வீரர் டிராவிஸ் ஹெட் முதலிடத்தைப் பிடித்து அசத்தியுள்ளார். நடப்பு உலகக்கோப்பை தொடரில் அதிரடியாக விளையாடிய அவர் 4 இடங்கள் முன்னேறி முதலிடத்தைப் பிடித்துள்ளார்.