Afghanistan tour of bangladesh
BAN vs AFG 1st T20: முகமது நபி அரைசதம்; வங்கதேசத்திற்கு 155 ரன்கள் டார்கெட்!
வங்கதேசத்தில் சுற்றுபயணம் மேற்கொண்டுள்ள ஆஃப்கானிஸ்தான் அணி ஒருநாள் மற்றும் டி20 தொடர்களில் விளையாடி வருகிறது. இதில் ஒருநாள் தொடரை ஆஃப்கானிஸ்தான் அணி 2-1 என்ற கணக்கில் வங்கதேசத்தை வீழ்த்தி அசத்தியது. இதையடுத்து இரு அணிகளுக்கும் இடையேயான டி20 தொடர் இன்று தொடங்கியது.
அதன்படி இன்று நடைபெற்ற இரு அணிகளுக்கும் இடையேயான முதலாவது டி20 போட்டியில் டாஸ் வென்ற வங்கதேச அணி முதலில் பந்துவீசுவதாக அறிவித்தது. அதன்படி களமிறங்கிய ஆஃப்கானிஸ்தான் அணியில் ஹஸ்ரதுல்லா ஸஸாய் 8 ரன்களுக்கும், ரஹ்மனுல்லா குர்பாஸ் 16 ரன்களுக்கும் ஆட்டமிழக்க, அடுத்து களமிறங்கிய இப்ராஹிம் ஸத்ரான், கரிம் ஜானத் ஆகியோரும் சொற்ப ரன்களுக்கு விக்கெட்டை இழந்தனர்.