Bcci media rights

2012ஆம் ஆண்டு முதல் 2022ஆம் ஆண்டு வரை இந்திய கிரிக்கெட் அணி விளையாடும் ஹோம் மற்றும் அவே போட்டிகள், ஐபிஎல் தொடர், உள்ளூர் போட்டிகள் உள்ளிட்டவற்றை ஸ்டார் ஸ்போர்ட்ஸ் நிறுவனம் ஒளிபரப்பி வந்தது. இந்த நிலையில் கடந்த ஆண்டு நடைபெற்ற ஐபிஎல் ஒளிபரப்பு உரிமையை கைப்பற்றிய ஸ்டார் ஸ்போர்ட்ஸ் நிறுவனம், டிஜிட்டல் ஒளிபரப்பு உரிமையை ஜியோ நிறுவனத்திடம் இழந்தது.

இந்த நிலையில் அடுத்த 5 ஆண்டுகளில் இந்திய அணி 88 போட்டிகளில் சொந்த மண்ணில் விளையாட உள்ளது. இதற்கான ஒளிபரப்பு உரிமைக்கான பிசிசிஐ ஏலம் இன்று நடைபெற்றது. இந்த ஏலத்தில் டிஸ்னி ஸ்டார், சோனி, வியாகாம் 18 உள்ளிட்டவை களத்தில் இருந்தன. இதில் சோனி நிறுவனம் ஜீ நிறுவனத்துடன் கைகோர்த்ததால், ஏலத்தில் சுவாரஸ்யம் ஏற்பட்டது.