Brandon mccullam

உலகக்கிரிக்கெட்டில் ஆட்டத்தின் சூழ்நிலைகளைப் பற்றி கவலைப்படாமல் மிகவும் அதிரடியாக விளையாடக்கூடிய பேட்ஸ்மேன்களில் விவியன் ரிட்ச்சர்ஸ்க்கு பிறகு நியூசிலாந்தின் பிரண்டன் மெக்கல்லம் முக்கியமானவர். அனைத்து விதமான கிரிக்கெட்டில் இருந்தும் ஓய்வு பெற்றுவிட்ட இவர், தற்பொழுது இங்கிலாந்து டெஸ்ட் அணியின் பயிற்சியாளராகச் செயல்பட்டு வருகிறார்.

இங்கிலாந்து அணியின் நட்சத்திர பேட்ஸ்மேன் ஜோ ரூட் தலைமையில் இங்கிலாந்து டெஸ்ட் அணி மிகவும் அடி வாங்கிக் கொண்டிருந்த காலத்தில், புதிய கேப்டனாக பென் ஸ்டோக்ஸ் கொண்டுவரப்பட்ட பொழுது, புதிய பயிற்சியாளராக மெக்கல்லம் கொண்டுவரப்பட்டார். இவர்கள் இருவரின் கூட்டணி டெஸ்ட் கிரிக்கெட்டில் ஒரு புதிய பாணியை, ஒரு புதிய அத்தியாயத்தை உருவாக்கியது.