Dilshan madushanka
Image Source: Google
தொடரிலிருந்து விலகிய தில்ஷன் மதுஷங்கா; ஜூனியர் உலகக்கோப்பை நாயகனை ஒப்பந்தம் செய்த மும்பை!
17ஆவது சீசன் ஐபிஎல் தொடரானது நாளை மறுநாள் தொடங்கவுள்ள நிலையில் இத்தொடருக்காக அனைத்து ஐபிஎல் அணிகளும் தீவிரமாக தயாராகி வருகின்றன. இதில் இம்முறை ரோஹித் சர்மாவுக்கு பதிலாக ஹர்திக் பாண்டியா தலைமையில் மும்பை இந்தியன்ஸ் அணி இத்தொடரை எதிர்கொள்ளவுள்ளதால் அந்த அணி மீதான எதிர்பார்ப்புகளும் ரசிகர்கள் மத்தியில் அதிகரித்துள்ளது.
இந்நிலையில் மும்பை அணிக்காக நடப்பு ஐபிஎல் தொடரில் விளையாட ஒப்பந்தம் செய்யப்பட்டிருந்த இலங்கை அணியின் வேகப்பந்து வீச்சாளர் தில்ஷன் மதுஷங்கா காயம் காரணமாக நடப்பு சீசன் ஐபிஎல் தொடரிலிருந்து விலகியுள்ளார். வங்கதேசத்தில் சுற்றுப்பயணம் செய்துவரும் இலங்கை அணியின் ஒரு அங்கமாக தில்ஷன் மதுஷங்கா விளையாடினார்.
