Dinesh bana
தோனியை கண்முன் நிறுத்திய தினேஷ் பானா - ரசிகர்கள் சிலிர்ப்பு!
இந்தியா - இங்கிலாந்து அணிகள் மோதிய அண்டர் 19 உலகக்கோப்பை இறுதிப்போட்டி நேற்று விறுவிறுப்பாக நடைபெற்றது. இப்போட்டியில் இந்தியாவின் இளம் படை 5ஆவது முறையாக கோப்பையை வென்று இந்தியாவுக்கு பெருமை சேர்த்தனர்.
இப்போட்டியில் டாஸ் வென்று முதலில் பேட்டிங் செய்த இங்கிலாந்து அணியை, ராஜ் பவா மற்றும் ரவிக்குமார் ஆகியோர் மிரட்டினர். அவர்களின் அட்டகாச பவுலிங்கால் இங்கிலாந்து அணி டாப் ஆர்டர் சரிந்தது. 91 ரன்களுக்குள் 7 விக்கெட்களை இழந்து விழிப்பிதுங்கி நின்ற நேரத்தில் ஜேம்ஸ் ரேவ் மட்டும் 95 ரன்கள் அடிக்க 189 ரன்களுக்கெல்லாம் இங்கிலாந்து சுருண்டது. இந்திய அணி தரப்பில் ராஜ் பவா 5 விக்கெட்டையும், ரவிகுமார் 4 விக்கெட்டுகளையும் வீழ்த்தி இங்கிலாந்தை மிரட்டினர்.