Kedar jadhav
SMAT 2023: சதமடித்து மிரட்டிய ருதுராஜ் கெய்க்வாட்; மகாராஷ்டிரா அபார வெற்றி!
ஏப்ரல் மற்றும் மே மாதங்களில் நடைபெற்ற ஐபிஎல் தொடர் முதலே சிஎஸ்கே அணியின் இளம் வீரர் ருதுராஜ் கெய்க்வாட் அபாரமான ஃபார்மில் இருந்து வருகிறார். ஐபிஎல் தொடரில் 15 இன்னிங்ஸ்களில் விளையாடி 590 ரன்களை குவித்தார் ருதுராஜ் கெய்க்வாட். இதனைத் தொடர்ந்து திருமணம் காரணமாக உலக டெஸ்ட் சாம்பியன்ஷிப் தொடருக்கான மாற்று வீரராக இங்கிலாந்து பயணம் செல்ல முடியவில்ல.
ஆனால் வெஸ்ட் இண்டீஸ் அணிக்கு எதிரான தொடருக்கு ருதுராஜ் கெய்க்வாட் இடம்பிடித்து அசத்தலான ஆட்டத்தை வெளிப்படுத்தினார். அதன்பின் ஆசிய போட்டிகளில் இந்திய அணிக்கு தலைமை தாங்கிய ருதுராஜ் கெய்க்வாட் தங்கப் பதக்கத்தை வென்று அசத்தினார். அதுமட்டுமல்லாமல் ஆஸ்திரேலிய அணிக்கு எதிரான ஒருநாள் போட்டியிலும் அரைசதம் அடித்து அசத்தினார்.