Pakistan super league 2024
பிஎஸ்எல் 2024: ரிஸ்வான், இஃப்திகார் அதிரடியில் ஹாட்ரிக் வெற்றியைப் பதிவுசெய்த முல்தான் சுல்தான்ஸ்!
பாகிஸ்தானில் நடைபெற்றுவரும் 9ஆவது சீசன் பிஎஸ்எல் தொடரில் நேற்று நடைபெற்ற வரும் 7ஆவது லீக் ஆட்டத்தில் முல்தான் சுல்தான்ஸ் - லாகூர் கலந்தர்ஸ் அணிகள் பலப்பரீட்சை நடத்தின. முலதான் கிரிக்கெட் மைதானத்தில் நடைபெற்ற இப்போட்டியில் டாஸ் வென்ற லாகூர் கலந்தர்ஸ் அணி முதலில் பேட்டிங் செய்வதாக அறிவித்து முல்தான் அணியை பந்துவீச அழைத்தது. அதன்படி களமிறங்கிய லாகூர் கலந்தர்ஸ் அணிக்கு ஃபர்ஹான் - ஃபகர் ஸமான் இணை தொடக்கம் கொடுத்தனர். இதில் ஃபர்ஹான் 2 ரன்கள் மட்டுமே எடுத்த நிலையில் விக்கெட்டை இழந்தார்.
அதன்பின் ஜோடி சேர்ந்த ஃபகர் ஸமான் - ரஸ்ஸி வேண்டர் டுசென் இணை அதிரடியாக விளையாடியதுடன் அணியின் ஸ்கோரையும் மளமளவென உயர்த்தினர். இதில் இருவரும் இணைந்து இரண்டாவது விக்கெட்டிற்கு 94 ரன்கள் பார்ட்னர்ஷிப்பும் அமைத்தனர். அதன்பின் இப்போட்டியில் அரைசதம் கடந்து அசத்திய ரஸ்ஸி வேண்டர் டுசென் 54 ரன்களில் தனது விக்கெட்டை இழக்க, மறுபக்கம் அரைசதம் அடிப்பார் என எதிர்பார்க்கப்பட்ட ஃபகர் ஸமான் 41 ரன்களில் ஆட்டமிழந்து அரைசதம் அடிக்கும் வாய்ப்பை தவறவிட்டார்.
