Sajeevan sajana six

மகளிர் பிரீமியர் லீக் தொடரின் இரண்டாவது சீசன் நேற்று கோலாகலமாக தொடங்கியது. தொடரின் முதல் லீக் போட்டியில் நடப்பு சாம்பியன் மும்பை இந்தியஸ் அணியை எதிர்த்து டெல்லி கேப்பிட்டல்ஸ் அணி விளையாடியது. பெங்களூருவில் நடைபெற்ற இப்போட்டியில் முதலில் பேட்டிங் செய்த டெல்லி கேப்பிட்டல்ஸ் அணி 20 ஓவர்கள் முடிவில் 5 விக்கெட் இழப்பிற்கு 171 ரன்களை குவித்தது. இதில் அதிகபட்சமாக அலிஸ் கேப்ஸி 75 ரன்களையும், ஜெமிமா ரோட்ரிக்ஸ் 42 ரன்களையும் சேர்த்தனர். 

இதையடுத்து கடின இலக்கை நோக்கி விளையாடிய மும்பை இந்தியன்ஸ் அணியில் அதிரடி வீராங்கனைகள் ஹீலி மேத்யூஸ், நாட் ஸ்கைவர் பிரண்ட் ஆகியோர் சொற்ப ரன்களில் ஆட்டமிழந்து ஏமாற்றமளித்தனர். இருப்பினும் அதன்பின் ஜோடி சேர்ந்த யஷ்திகா பாட்டியா, கேப்டன் ஹர்மன்ப்ரீது கவுர் இணை அதிரடியாக விளையாடிய அணியை வெற்றியை நோக்கி அழைத்துச் சென்றதுடன் அரைசதம் கடந்தும் அசத்தினர்.