Sri lanka vs netherlands
Image Source: Google
ஐசிசி உலகக்கோப்பை 2023: நெதர்லாந்தை வீழ்த்தி தொடர் தோல்விக்கு முற்றுப்புள்ளி வைத்த இலங்கை!
ஐசிசி ஒருநாள் உலகக்கோப்பை கிரிக்கெட் தொடரின் லீக் போட்டிகள் விறுவிறுப்பாக நடைபெற்று வருகின்றன. இதில் இன்று நடைபெற்ற 19ஆவது லீக் ஆட்டத்தில் நெதர்லாந்து - இலங்கை அணிகள் பலப்பரீட்சை நடத்தின. லக்னோ ஏக்னா கிரிக்கெட் மைதானத்தில் நடைபெறும் இப்போட்டியில் டாஸ் வென்ற நெதர்லாந்து அணி முதலில் பேட்டிங் செய்வதாக அறிவித்தது.
அதன்படி களமிறங்கிய நெதர்லாந்து அணிக்கு விக்ரம்ஜித் சிங் 4 ரன்களுக்கு விக்கெட்டை இழக்க, மறுபக்கம் மேக்ஸ் ஓடவுட் 16 ரன்களிலும், நிதான ஆட்டத்தை வெளிப்படுத்திய காலின் அக்கர்மேனும் 29 ரன்களில் ஆட்டமிழந்தார். இதையடுத்து களமிறங்கிய நட்சத்திர வீரர்கள் பாஸ் டி லீட், தேஜா நிடமனுரு கேப்டன் ஸ்காட் எட்வர்ட்ஸ் ஆகியோரும் அடுத்தடுத்து சொற்ப ரன்களுக்கு விக்கெட்டை இழந்து பெவிலியன் திரும்பினர்.
