மகளிர் ஒருநாள் உலகக்கோப்பை: அட்டவணையை அறிவித்தது ஐசிசி!

நியூசிலாந்தில் அடுத்த வருடம் மகளிர் அணிகளுக்கு இடையேயாப ஒருநாள் ஓவர் உலகக் கோப்பைப் தொடர் நடைபெறுகிறது. மார்ச் 4 முதல் தொடங்கும் மகளிர் உலகக் கோப்பைக்கான அட்டவணையை ஐசிசி இன்று வெளியிட்டுள்ளது.

அதன்படி மொத்தம் 31 நாள்களுக்கு ஆறு நகரங்களில் 31 ஆட்டங்கள் நடைபெற்றவுள்ளன. நியூசிலாந்து, ஆஸ்திரேலியா, இங்கிலாந்து, தென்னாப்பிரிக்கா, இந்தியா, வங்கதேசம், பாகிஸ்தான், வெஸ்ட் இண்டீஸ் என 8 அணிகள் இப்போட்டியில் பங்கேற்கின்றன. 

இந்த 8 அணிகளும் இதர அணிகளுடன் ஒரு முறை மோதும் விதத்தில் லீக் ஆட்டங்கள் வடிவமைக்கப்பட்டுள்ளன. புள்ளிகள் பட்டியலில் முதல் நான்கு இடங்களைப் பிடிக்கும் அணிகள் அரையிறுதிக்குத் தகுதி பெறும். ஏப்ரல் 3 அன்று இறுதிச்சுற்று ஆட்டம் நடைபெறவுள்ளது.

மேலும் இத்தொடரின் முதல் போட்டியில் நிசிலாந்துடன் வெஸ்ட் இண்டீஸ் அணி பலப்பரீட்சை நடத்துகிறது. அதேசமயம் இந்திய அணி தனது முதல் போட்டியில் பாகிஸ்தானை எதிர்கொள்கிறது.

இந்திய அணியின் உலகக் கோப்பை போட்டிகள்

• இந்தியா vs பாகிஸ்தான், மார்ச் 6
• இந்தியாvs நியூசிலாந்து, மார்ச் 10
• இந்தியா vs மே.இ. தீவுகள், மார்ச் 12
• இந்தியா vs இங்கிலாந்து, மார்ச் 16
• இந்தியா vs ஆஸ்திரேலியா, மார்ச் 19
• இந்தியாvs வங்கதேசம், மார்ச் 22
• இந்தியா vs தென் ஆப்பிரிக்கா, மார்ச் 27