மகளிர் உலகக்கோப்பை 2022: வெற்றிப்பயணத்தை தொடரும் ஆஸ்திரேலியா!
மகளிர் உலகக்கோப்பை தொடரில் இன்று நடைபெற்ற லீக் ஆட்டத்தில் ஆஸ்திரேலியா - வெஸ்ட் இண்டீஸ் அணிகள் பலப்பரீட்சை நடத்தின.
இப்போட்டியில் டாஸ் வென்ற வெஸ்ட் இண்டீஸ் அணி முதலில் பேட்டிங் செய்ய தீர்மானித்து களமிறங்கியது. அதன்படி களமிறங்கிய அந்த அணியில் ஸ்டெஃபானி டைலர் மட்டும் அரைசதம் கடந்தார். மற்ற வீராங்கனைகள் சொற்ப ரன்களில் விக்கெட்டை இழந்தனர்.
இதனால் 45.5 ஓவர்களில் வெஸ்ட் இண்டீஸ் அணி அனைத்து விக்கெட்டுகளையும் இழந்தது. ஆஸ்திரேலிய ஆணி தரப்பில் எல்லிஸ் பெர்ரி, ஆஷ்லே கார்ட்னர் தலா 3 விக்கெட்டுகளைக் கைப்பற்றினர்.
இதையடுத்து இலக்கை துரத்திய ஆஸ்திரேலிய அணியில் அலிசா ஹீலி, மெக் லெனிங், எல்லிஸ் பெர்ரி ஆகியோர் சொற்ப ரன்களில் விக்கெட்டை இழக்க, மறுமுனையில் அதிரடியாக விளையாடிய ரேச்சல் ஹெய்னஸ் அரைசதம் கடந்து அணிக்கு வெற்றியைத் தேடித்தந்தார்.
இதன்மூலம் ஆஸ்திரேலிய அணி 7 விக்கெட் வித்தியாசத்தில் வெஸ்ட் இண்டீஸை வீழ்த்தி இத்தொடரில் தனது 4ஆவது வெற்றியைப் பெற்று அசத்தியது.