டி20 தரவரிசை: பாபர் ஆசாம் முதாலிடம்; கோலிக்கு 5ஆம் இடம்!

நமிபியா(70), ஆப்கானிஸ்தான்(51) ஆகிய அணிகளுக்கு எதிராக அடுத்தடுத்து அரைசதங்களை அடித்ததையடுத்து, முதலிடத்திலிருந்த டேவிட் மலானை கீழே இறக்கி முதலிடத்தில் பாபர் ஆசாம் 834 புள்ளிகளுடன் அமர்ந்துள்ளார். இங்கிலாந்து வீரர் டேவிட் மலான் 798 புள்ளிகளுடன் 2ஆவது இடத்தில் உள்ளார்.

கடைசியாக பாபர் ஆசாம் கடந்த 2018ஆம் ஆண்டு ஜனவரி 28ஆம் தேதி டி20 வரிசையில் முதலிடத்தில் இருந்தபின் 2 ஆண்டுகளுக்குப்பின் மீண்டும் முதலிடத்தைப் பிடித்துள்ளார். ஒருநாள் தரவரிசையிலும் பாபர் ஆஸம்தான் முதலிடத்தில் இருந்து வருகிறார் என்பது குறிப்பிடத்தக்கது.

கடந்த ஆண்டு நவம்பர் மாதத்திலிருந்து பேட்ஸ்மேன்கள் வரிசையில் முதலிடத்திலிருந்த டேவிட் மலான் ஓர் ஆண்டுக்குப்பின் கீழே இறங்கியுள்ளார்.

ஆஸ்திரேலியா, இலங்கைக்கு எதிராக அரைசதம், சதம் அடித்த இங்கிலாந்து வீர்ர ஜாஸ் பட்லர், தரவரிசையில் 8 இடங்கள் நகர்ந்து 9ஆவது இடத்தைப் பிடித்துள்ளார். இங்கிலாந்து வீரர் ஜேஸன் ராய் 5 இடங்கள் முன்னேறி 14ஆவது இடத்தைப் பிடித்துள்ளார்.

பேட்ஸ்மேன்கள் வரிசையில் இந்திய கேப்டன் விராட் கோலி 714 புள்ளிகளுடன் 5ஆவது இடத்திலும், 678 புள்ளிகளுடன் கே.எல்.ராகுல் 8ஆவது இடத்திலும் உள்ளனர்.

இங்கிலாந்து சுழற்பந்துவீச்சாளர் ஹசரங்கா 776 புள்ளிகளுடன் பந்துவீச்சாளர்கள் தரவரிசையில் முதலிடத்தைப முதல்முறையாகப் பிடித்துள்ளார். 770 புள்ளிகளுடன் தென் ஆப்பிரிக்க சுழற்பந்துவீச்சாளர் தப்ரெஸ் ஷாம்ஸி 2ஆவது இடத்தில் உள்ளார். இங்கிலாந்து வீரர் அதில் ரஷித் 3ஆவது இடத்திலும், 4ஆவது இடத்தில் ஆப்கானிஸ்தான் வீரர் ரஷித் கானும் உள்ளனர்.

Also Read: T20 World Cup 2021

இந்திய அணியின் வேகப்பந்துவீச்சாளர் ஜஸ்பிரித் பும்ரா 10 இடங்கள் நகர்ந்து 24ஆவது இடத்துக்கு முன்னேறியுள்ளார். தென் ஆப்பிரிக்க வேகப்பந்துவீச்சாளர் ஆன்ட்ரிச் நோர்க்கியா 18 இடங்கள் முன்னேறி 7ஆவது இடத்தைப் பிடித்துள்ளார்.