சிபிஎல் 2021: பிலீப்ஸ், மேயர்ஸ் அதிரடியில் மண்ணைக் கவ்வியது லூசியா கிங்ஸ்!

சிபிஎல் டி20 தொடரில் இன்று நடைபெற்ற 28ஆவது லீக் ஆட்டத்தில் செயிண்ட் லூசியா கிங்ஸ் - பார்போடாஸ் ராயல்ஸ் அணிகள் பலப்பரீட்சை நடத்தின. இதில் டாஸ் வென்ற ராயல்ஸ் அணி பந்துவீசியது.

அதன்படி களமிறங்கிய செயிண்ட் லூசியா கிங்ஸ் அணி 20 ஓவர்கள் முடிவில் 6 விக்கெட் இழப்பிற்கு 190 ரன்களைச் சேர்த்தது. இதில் அதிகபட்சமாக ரோஸ்டன் சேஸ் 56 ரன்களைச் சேர்த்தார். 

பின் கடின இலக்கை நோக்கி களமிறங்கிய பார்போடாஸ் ராயல்ஸ் அணியில் கைல் மேயர்ஸ் - கிளென் பிலீப்ஸ் இணை அதிரடியாக விளையாடி அணியின் ஸ்கோரை உயர்த்தியது. இதில் இருவரும் அரைசதம் அடித்து அசத்தினர். 

இதன் மூலம் 18.5 ஓவர்களிலேயே பார்போடாஸ் ராயல்ஸ் அணி இலக்கை எட்டி 8 விக்கெட் வித்தியாசத்தில் செயிண்ட் லூசியா கிங்ஸ் அணியை வீழ்த்தியது. 

Also Read: இந்திய அணியின் இங்கிலாந்து சுற்றுப்பயணம், 2021

இதில் இறுதிவரை ஆட்டமிழக்காமல் இருந்த கைல் மேயர்ஸ் 81 ரன்களையும், கிளென் பிலீப்ஸ் 80 ரன்களையும் சேர்த்தனர்.