சிபிஎல் 2021: ராயல்ஸை வீழ்த்தியது நைட் ரைடர்ஸ்!
சிபிஎல் டி20 தொடரில் இன்று நடைபெற்ற 23ஆவது லீக் போட்டியில் டிரின்பாகோ நைட் ரைடர்ஸ் - பார்போடாஸ் ராயல்ஸ் அணிகள் பலப்பரீட்சை நடத்தினர். இதில் டாஸ் வென்ற நைட் ரைடர்ஸ் அணி முதலில் பந்துவீச தீர்மானித்தது.
அதன்படி களமிறங்கிய ராயல்ஸ் அணி, பியர், ஹொசைன் ஆகியோரது பந்துவீச்சைத் தாக்கு பிடிக்க முடியாமல் தடுமாறியது. இதனால் 20 ஓவர்கள் முடிவில் அந்த அணி 9 விக்கெட்டுகளை இழந்து 93 ரன்களை மட்டுமே சேர்த்தது. நைட் ரைடர்ஸ் அணி தரப்பில் காரி பியர் 3 விக்கெட்டுகளை வீழ்த்தினார்.
இதையடுத்து எளிய இலக்கை நோக்கி களமிறங்கிய நைட் ரைடர்ஸ் அணி தொடக்க வீரர் லிண்டெல் சிம்மன்ஸ் சந்தித்த முதல் பந்திலேயே விக்கெட்டை இழந்தார். அவரைத் தொடர்ந்து வெப்ஸ்டர் 9, பிராவோ 19, செய்ஃபெர்ட் 12 என அடுத்தடுத்து விக்கெட்டுகளை இழந்தனர்.
Also Read: இந்திய அணியின் இங்கிலாந்து சுற்றுப்பயணம், 2021
ஆனால் மறுமுனையில் நிதானமாக விளையாடி வந்த காலின் முன்ரோ இறுதிவரை ஆட்டமிழக்காமல் 41 ரன்களைச் சேர்த்து அணிக்கு வெற்றியைத் தேடித்தந்தார். இதனால் நைட் ரைடர்ஸ் அணி 16.5 ஓவர்களில் இலக்கை எட்டி, 6 விக்கெட் வித்தியாசத்தில் பார்போடாஸ் ராயல்ஸ் அணியை வீழ்த்தியது.