ஆஷஸ் 2021: ட்ராவிஸ் ஹெட்டின் இன்னிங்ஸை பாராடிய வார்னர்!

ஆஸ்திரேலியா - இங்கிலாந்து அணிகளுக்கு இடையேயான ஆஷஸ் டெஸ்ட் தொடரின் முதல் டெஸ்ட் போட்டி பிரிஸ்பேனில் நடைபெற்று வருகிறது. 

இதில் முதலில் பேட்டிங் செய்த இங்கிலாந்து அணி முதல் இன்னிங்ஸில் 147 ரன்களுக்கு ஆட்டமிழந்தது. இதையடுத்து இரண்டாம் நாளான இன்று முதல் இன்னிங்ஸைத் தொடங்கிய ஆஸ்திரேலிய அணி ஆட்டநேர முடிவில் 7 விக்கெட் இழப்பிற்கு 343 ரன்களைக் குவித்துள்ளது.

இதில் ட்ராவிஸ் ஹெட் சதமடித்து அசத்தினார். மேலும் டேவிட் வார்னர் 94 ரன்களில் ஆட்டமிழந்து சதமடிக்கும் வாய்ப்பை தவறவிட்டார். 

இப்போட்டியில் அதிரடியாக விளையாடி சதமடித்த ட்ராவிஸ் ஹெட்டை சக வீரர் டேவிட் வார்னர் பாராட்டியுள்ளார். 

இதுகுறித்து பேசிய வார்னர்,இங்கிலாந்து வீரர்கள் நன்றாக பந்து வீசினார்கள். ஆனாலும் ட்ராவிஸ் ஹெட் அருமையான ஒரு இன்னிங்ஸை வெளிப்படுத்தினார். இது பந்துவீச்சாளர்களுக்கும், ஹெட்டுக்கும் இடையே ஒரு இருக்கமான சண்டைபோல் அமைந்தது. 

இந்த இன்னிங்ஸில் அவர் மிகச்சிறப்பாக விளையாடியதுடன் சதமடித்தும் அசத்தினார். மேலும் அவர் 112 ரன்களுடன் இன்னும் களத்தில் உள்ளார்” என்று பாராட்டி பேசியுள்ளார்.