டி10 லீக்கில் ஃபாஃப்; ரஸ்ஸல் - ரசிகர்கள் கொண்டாட்டம்!

உலகின் மிக குறுகிய வடிவிலான டி10 அதாவது 10 ஓவர்கள் கொண்ட கிரிக்கெட் தொடர் அபுதாபியில் கடந்த 2017ஆம் ஆண்டு முதல் நடைபெற்று வருகிறது. 

இந்நிலையில் இத்தொடரில் 4ஆவது சீசன் அடுத்தமாதம் 19ஆம் தேதி முதல் டிசம்பர் 4ஆம் தேதி வரை நடைபெறவுள்ளது. மொத்தம் எட்டு அணிகள் பங்கேற்கும் இத்தொடருக்கான வீரர்கள் ஏலம் நவம்பர் 7ஆம் தேதி நடைபெறவுள்ளது. 

இதற்கிடையில் இத்தொடருக்கான வீரர்கள் ஏலத்தில் தென் ஆப்பிரிக்க அணியின் முன்னாள் கேப்டன் ஃபாஃப் டூ பிளெசிஸ், வெஸ்ட் இண்டீஸ் ஆல் ரவுண்டர் ஆண்ட்ரே ரஸ்ஸல் ஆகியோரும் பங்கேற்கவுள்ளனர். 

மேலும் டுவைன் பிராவோ, ஈயான் மோர்கன், ஜேசன் ராய், கிறிஸ் கெயில் ஆகியோரும் நடப்பு சீசன் டி10 லீக் தொடரில் பங்கேற்கவுள்ளதாக தகவல் வெளியாகியுள்ளது. 

Also Read: இந்திய அணியின் இங்கிலாந்து சுற்றுப்பயணம், 2021

உலகின் முன்னணி டி20 கிரிக்கெட் நட்சத்திரங்கள் டி10 தொடரில் பங்கேற்கவுள்ளதால், இத்தொடர் மீதான எதிர்பார்ப்பு ரசிகர்கள் மத்தியில் அதிகரித்துள்ளது.