தி ஹண்ரட் தொடரிலிருந்து விலகிய டூ பிளேசிஸ்!

தென் ஆப்பிரிக்க அணியின் நட்சத்திர வீரர் ஃபாஃப் டூ பிளெசிஸ். கடந்த ஜூலை மாதம் ஐக்கிய அரபு அமீரகத்தில் நடைபெற்ற பாகிஸ்தான் சூப்பர் டூ பிளெசிஸ் குயிட்டா கிளாடியேட்டர்ஸ் அணிக்காக விளையாடினார்.

அப்போது ஃபீல்டிங் செய்த போது சக அணி வீரர் மீது மோது, மைதானத்திலேயே சுருண்டு விழுந்தார். இதையடுத்து மருத்துவமனையில் அனுமதிக்கப்பட்ட அவர், ஒருவார காலம் சிகிச்சைப் பெற்றார். 

இதனால் நடப்பாண்டு பிஎஸ்எல் தொடரிலிருந்தும் பாதியிலேயே விலகினார். இந்நிலையில் இங்கிலாந்தில் நடைபெற்று வரும் 100 பந்துகள் கொண்ட தி ஹண்ரட் தொடரின் நார்த்தன் சூப்பர் சார்ஜர்ஸ் அணியின் கேப்டனாக நியமிக்கப்பட்டிருந்தார்.

இருப்பினும் அவர் மோதலினால் ஏற்பட்ட அதிர்ச்சியிலிருந்து இன்னும் மீளாததால், தி ஹண்ரட் தொடரிலிருந்தும் விலகுவதாக இன்று அறிவித்துள்ளார். மேலும் அவருக்கு மாற்றாக டேன் விலாஸ் மீதமுள்ள போட்டிகளில் விளையாடுவார் என்று நார்த்தன் சூப்பர் சார்ஜர்ஸ் அணி அறிவித்துள்ளது.

இதையடுத்து அடுத்த மாதம் நடைபெறவுள்ள கரீபியன் பிரீமியர் லீக், இந்தியன் சூப்பர் லீக் ஆகிய தொடர்களில் ஃபாஃப் டூ பிளேசிஸ் விளையாடுவர் என்ற தகவலும் வெளியாகியுள்ளது ரசிகர்களுக்கு சற்றே நிம்மதி அளித்துள்ளது.