பெங்கால் அண்டர் 19 அணியின் பயிற்சியாளராக தேவாங் காந்தி நியமனம்!

இந்தியாவில் உள்ளூர் கிரிக்கெட் தொடர்களான ரஞ்சி கோப்பை, விஜய் ஹசாரே, சயித் முஷ்டாக் அலி கோப்பை தொடர்கள் இன்னும் சில மாதங்களில் தொடங்கவுள்ளன. 

இத்தொடருக்காக பல்வேறு மாநில அணிகாளும் தங்களைத் தயார்ப்படுத்தி வருகின்றனர். அதன்படி அனைத்து அணிகளும் தங்கள் பயிற்சியாளர்களைத் தேர்வு செய்வதிலும் ஆர்வம் காட்டி வருகின்றனர். 

அதன்படி பெங்கால் கிரிக்கெட் சங்கம், பெங்கால் அண்டர் 19 அணியின் பயிற்சியாளராக தேவாங் காந்தியை நியமித்துள்ளது.

இந்திய அணிக்காக 1999ஆம் ஆண்டு தொடக்க வீரராக அறிமுகமான தேவாங் காந்தி இதுவரை 4 டெஸ்ட், 3 ஒருநாள் போட்டிகளில் விளையாடியுள்ளார். மேலும் 95 முதல் தர போட்டிகளிலும், 98 உள்ளூர் போட்டிகளிலும் விளையாடிவுள்ளது குறிப்பிடத்தக்கது.