சதமடித்து அசத்திய மேத்யூஸ்; பாகிஸ்தானை பந்தாடியது விண்டீஸ்!

வெஸ்ட் இண்டீஸ் - பாகிஸ்தான் மகளிர் அணிகளுக்கு இடையேயான மூன்றாவது ஒருநாள் போட்டி நேற்று ஆண்டிகுவாவில் நடைபெற்றது. இப்போட்டியில் டாஸ் வென்ற பாகிஸ்தான் மகளிர் அணி முதலில் பேட்டிங் செய்தது. 

அதன்படி களமிறங்கிய பாகிஸ்தான் அணிக்கு ஒமைமா சொஹைல் அரைசதம் அடித்து உதவினார். ஆனால் மற்ற வீராங்கனைகள் சொற்ப ரன்களில் ஆட்டமிழந்ததால் 49 ஓவார்களில் பாகிஸ்தான் மகளிர் அணி அனைத்து விக்கெட்டுகளையும் இழந்து 182 ரன்களை மட்டுமே எடுத்தது.

அதன்பின் இலக்கை நோக்கி களமிறங்கிய வெஸ்ட் இண்டீஸ் அணியின் தொடக்க வீராங்கனை ஹேலி மேத்யூஸ் அதிரடியாக விளையாடி சதமடித்ததுடன், அணியையும் வெற்றி பெற செய்தார். 

இதன் மூலம் வெஸ்ட் இண்டீஸ் மகளிர் அணி 8 விக்கெட் வித்தியாசத்தில் பாகிஸ்தான் அணியை வீழ்த்தி வெற்றிபெற்றது. மேலும் ஐந்து போட்டிகள் கொண்ட ஒருநாள் தொடரைன் 3-0 என்ற கணக்கிலும் கைப்பற்றி அசத்தியது. இப்போட்டியில் சதமடித்த ஹேலி மேத்யூஸ் ஆட்டநாயகியாகத் தேர்வு செய்யப்பட்டார்.