இந்திய மகளிர் அணி சமீபத்தில் இலங்கையில் சுற்றுப்பயணம் செய்து இலங்கை மற்றும் தென் ஆப்பிரிக்க அணிகளுக்கு எதிரான முத்தரப்பு ஒருநாள் தொடரில் விளையாடியது. இத்தொடரின் முடிவில் இந்திய மகளிர் அணி இறுதிப்போட்டியில் இலங்கையை வீழ்த்தி சாம்பியன் பட்டத்தையும் வென்று அசத்தியுள்ளது.
இதனையடுத்து எதிர்வரும் ஜூன் மாதம் இந்திய மகளிர் அணி இங்கிலாந்தில் சுற்றுப்பயணம் மேற்கொண்டு 5 போட்டிகள் கொண்ட டி20 தொடரிலும், மூன்று போட்டிகள் கொண்ட ஒருநாள் தொடரிலும் விளையாடவுள்ளது. இதில் இரு அணிகளுக்கும் இடையேயான ஐந்து போட்டிகள் கொண்ட டி20 தொடரானது ஜூன் 28ஆம் தேதி தொடங்க இருக்கும் நிலையில், இரு அணிகளுக்கும் இடையேயான ஒருநாள் தொடர் ஜூலை 16ஆம் தேதி முதல் தொடங்கவுள்ளது.
இத்தொடருக்கான இந்திய மகளிர் அணியும் சமீபத்தில் அறிவிக்கப்பட்டது. இதில் கேப்டனாக ஹர்மன்ப்ரீத் கவுரும், துணைக்கேப்டனாக ஸ்மிருதி மந்தனாவும் தொடர்கின்றனர். அதேசமயம் முத்தரப்பு ஒருநாள் தொடரில் அபாரமான ஆட்டத்தை வெளிப்படுத்தி தொடர் நாயகி விருதை வென்ற ஸ்நே ரானாவுக்கும் இத்தொடரில் வாய்ப்பு வாழங்கப்பட்டுள்ளது. இந்நிலையில் தனது கம்பேக் குறித்து ஸ்நே ரானா மௌனம் கலைத்துள்ளார்.
இதுகுறித்து பேசிய ஸ்நே ரானா, “நீண்ட நாளுக்கு பிறகு ஒருநாள் ஜெர்சியை அணிய வாய்ப்பு கிடைத்ததில் மிகவும் மகிழ்ச்சி. மேலும் நான் எதிர்பார்த்தது போல் இத்தொடர் எனக்கு சிறப்பானதாக அமைந்தது. மேலும் இத்தொடரில் ஐந்து விக்கெட்டுகள் மற்றும் ஹாட்ரிக் விக்கெட்டுகளை வீழ்த்த வேண்டும் என்று எண்ணினேன். தற்போது அவற்றில் ஒன்றையாவது என்னால் சாதிக்க முடிந்தது. நீங்கள் உங்கள் அணியையும் நாட்டையும் முன்னிருத்தும் போதும், உங்கள் செயல்திறன் சிறப்பாக இருக்க வேண்டும்.
உண்மையில், என்னை மிகவும் நேசிக்கும் ரசிகர்கள்தான் எனக்கு இந்தப் பெயரைக் கொடுத்திருக்கிறார்கள். எனவே, மக்கள் என்னை மிகவும் நேசிப்பதையும், என் பயணத்தை நன்றாகப் பின்பற்றுவதையும் பார்த்து நான் மிகவும் பெருமைப்படுகிறேன். நீங்கள் ஒரு 'கம்பேக் குயின்' என்று மக்கள் எழுதத் தொடங்கியபோது, விளையாட்டில் உங்கள் கம்பேக் எப்போதும் சிறப்பாக இருந்ததால், படிப்படியாக எனது சமூக ஊடக இடுகைகளில் 'கம்பேக் குயின்' என்ற ஹேஷ்டேக்கை எழுதலாம் என்று நினைத்தேன்.
எனவே, அது அங்கிருந்து தொடங்கியது. ஆனால் மக்கள் உங்களையும் உங்கள் செயல்திறனையும் பாராட்டும்போது அது மிகவும் நன்றாக இருக்கிறது.முன்னதாக உள்நாட்டு சீசன் முடிந்ததும், நான் என் சொந்த ஊரான டேராடூனுக்குத் திரும்பி வந்தேன். ஒரு நாள் இந்திய ரயில்வே அலுவலகத்தில் வேலை செய்து கொண்டிருந்தபோது, ஆர்சிபி நிர்வாகத்திடமிருந்தும் ஸ்மிருதியிடமிருந்தும் எனக்கு அழைப்பு வந்தது, மாற்று வீரருக்கான தேவை உறுதிப்படுத்தப்படாததால், நான் வரலாமா என்று கேட்டார்.
Also Read: LIVE Cricket Score
ஆனால் அவர்கள் என்னை வந்து அணியில் சேர்ந்து அவர்களுடன் பயிற்சி செய்யச் சொன்னார்கள். நான், 'ஏன் கூடாது?' என்றேன். அதனால், நான் சென்று அணியில் சேர்ந்தேன். அதிலிருந்து நான் எனது முழு முயற்சியை செலுத்தி வருகிறேன். இறுதியில் அது என்னுடைய கம்பேக்கிற்கு காரணமாகவும் அமைந்தது. இப்போது இங்கிலாந்து சுற்றுப்பயணம் நிச்சயமாக எங்கள் அனைவருக்கும் ஒவ்வொரு அம்சத்திலும் உதவியாக இருக்கும்” என்று தெரிவித்துள்ளார்.