அண்டர் 19 உலகக்கோப்பை தொடரில் நேற்று நடைபெற்ற லீக் ஆட்டத்தில் தென் ஆப்பிரிக்க - உகாண்டா அணிகள் பலப்பரீட்சை நடத்தியது.
இப்போட்டியில் டாஸ் வென்று முதலில் பேட்டிங் செய்த தென் ஆப்பிரிக்க அணி டெவால்ட் ப்ரீவிஸின் அபார சதத்தின் காரணமாக 50 ஓவர்கள் முடிவில் 9 விக்கெட்டுகளை இழந்து 231 ரன்களைச் சேர்த்தது.
இதில் அதிகபட்சமாக டெவால்ட் ப்ரீவிஸ் 104 ரன்களைச் சேர்த்தார். உகாண்டா அணி தரப்பில் ஜுமா மியாஜி, பஸ்கல் முருங்னி தலா 3 விக்கெட்டுகளைக் கைப்பற்றினர்.
இதையடுத்து இலக்கை துரத்திய உகாண்டா அணி எதிரணி பந்துவீச்சை எதிர்கொள்ள முடியாமல் அடுத்தடுத்து விக்கெட்டுகளை இழந்து தடுமாறினர்.
இதனால் 33.4 ஓவர்களிலேயே உகாண்டா அணி அனைத்து விக்கெட்டுகளையும் இழந்து 110 ரன்களை மட்டுமே சேர்த்தது. இதன் மூலம் தென் ஆப்பிரிக்க அணி 112 ரன்கள் வித்தியாசத்தில் உகாண்டா அணியை வீழ்த்தி வெற்றிபெற்றது.