இந்தியா - நியூசிலாந்துக்கு இடையேயான முதல் டெஸ்ட் போட்டி கான்பூரில் நடைபெற்றுவருகிறது. இதில் டாஸ் வென்று முதலில் பேட்டிங் செய்த இந்திய அணி முதல் நாள் ஆட்டநேர முடிவில் 4 விக்கெட்டுகளை இழந்து 258 ரன்களைச் சேர்த்திருந்தது.
அதன்பின் 75 ரன்களுடன் ஸ்ரேயாஸ் ஐயரும், 50 ரன்களுடனு ரவீந்திர ஜடேஜாவும் இரண்டாம் நாள் ஆட்டத்தை தொடர்ந்தனர். இன்றைய போட்டியில் ஜடேஜா ரன் ஏதும் எடுக்காமல் விக்கெட்டை இழந்தார்.
மறுமுனையில் அபாரமாக விளையாடி வந்த ஸ்ரேயாஸ் ஐயர் சதமடித்து அசத்தினார். மேலும் அறிமுக டெஸ்ட் போட்டியில் சதமடித்த 16ஆவது இந்திய வீரர் எனும் பெருமையையும் பெற்றார்.
அதன்பின் 105 ரன்களில் ஸ்ரேயாஸ் ஆட்டமிழக்க, பின்னர் வந்த சஹா, அக்சர் படேல் ஆகியோரும் சோற்ப ரன்களில் விக்கெட்டுகளை இழந்தனர்.
இதனால் இரண்டாம் நாள் உணவு இடைவேளையின் போது இந்திய அணி 8 விக்கெட் இழப்பிற்கு 339 ரன்களைச் சேர்த்துள்ளது.
இந்திய அணி தரப்பில் ரவிச்சந்திரன் அஸ்வின் 38 ரன்களுடனும், உமேஷ் யாதவ் 4 ரன்களுடனும் களத்தில் உள்ளனர். நியூசிலாந்து தரப்பில் டிம் சௌதி 5 விக்கெட்டுகளைக் கைப்பற்றினார்.