IND vs NZ: டி20, டெஸ்ட் தொடருக்கான நியூசிலாந்து அணி அறிவிப்பு!

நியூசிலாந்து அணி இந்தியாவுக்குச் சுற்றுப்பயணம் செய்து 2 டெஸ்டுகள், 3 டி20 ஆட்டங்களில் விளையாடுகிறது. டி20 தொடர் நவம்பர் 17 அன்று தொடங்கி, நவம்பர் 21 அன்று நிறைவுபெறுகிறது. டெஸ்ட் தொடர் நவம்பர் 25-ல் தொடங்கி, டிசம்பர் 7 அன்று நிறைவுபெறுகிறது.

டி20, டெஸ்ட் தொடர்களுக்கான இந்திய அணி அறிவிக்கப்பட்டுள்ளது. ரோஹித் சர்மா தலைமையிலான டி20 அணியில் தமிழக வீரர் அஸ்வின் இடம்பெற்றுள்ளார். கோலி, ஜடேஜா, பும்ரா, ஷமி ஆகியோருக்கு ஓய்வளிக்கப்பட்டுள்ளது. 

இந்நிலையில் கடந்த ஞாயிறன்று துபையில் டி20 உலகக் கோப்பை இறுதிச்சுற்றில் விளையாடிய நியூசிலாந்து அணி, அடுத்த 3ஆவது நாளில் இந்தியாவுக்கு எதிரான டி20 தொடரிலும் பங்கேற்கிறது. டெஸ்ட் தொடருக்கு முக்கியத்துவம் அளிப்பதற்காக டி20 தொடரிலிருந்து கேப்டன் கேன் வில்லியம்சன் விலகியுள்ளார். 

இதனால் முதல் டி20 ஆட்டத்தில் செளதி தலைமையில் நியூசிலாந்து டி20 அணி இன்று அறிவிக்கப்பட்டுள்ளது. இந்த அணியில் காயத்திலிருந்து மீண்டுள்ள லோக்கி ஃபர்குசன் இடம் பிடித்துள்ளார்.

டி20 தொடருக்கான நியூசிலாந்து அணி: டிம் செளதி (கேப்டன்), டாட் ஆஸ்லே, டிரெண்ட் போல்ட், மார்க் சாப்மேன், லோக்கி ஃபெர்குசன், மார்டின் கப்தில், கைல் ஜேமிசன், ஆடம் மில்னே, டேரில் மிட்செல், ஜிம்மி நீஷம், கிளென் பிலிப்ஸ், மிட்செல் சாண்ட்னர், டிம் சைஃபர்ட், இஷ் சோதி.

Also Read: T20 World Cup 2021

டெஸ்ட் தொடருக்கான நியூசிலாந்து அணி: கேன் வில்லியம்சன் (கேப்டன்), டாம் ப்ளன்டெல், கைல் ஜேமிசன், டாம் லாதம், டேரில் மிட்செல், ஹென்றி நிக்கோல்ஸ், அஜாஸ் படேல், கிளென் பிலிப்ஸ், ரச்சின் ரவீந்திரா, மிட்செல் சான்ட்னர், வில் சோமர்வில், டிம் சவுத்தி, ராஸ் டெய்லர், நீல் வாக்னர், வில் யங்.