பயிற்சியாளர்க்கு அன்பளிபு வழங்கிய நடராஜன்; அவரது செயலை கொண்டாடும் ரசிகர்கள்!

தமிழ்நாட்டைச் சேர்ந்த வேகப்பந்து வீச்சாளரான நடராஜன் கடந்த ஐபிஎல்
தொடரின்போது சன்ரைஸ் அணிக்காக சிறப்பான பந்துவீச்சை வெளிப்படுத்தி, ஆஸ்திரேலியா
சென்ற இந்திய அணியில் நெட் பவுலராக இடம் பிடித்தார். ஆஸ்திரேலியாவிற்கு நெட் பவுலராக
சென்ற நடராஜன் அங்கு வீரர்களுக்கு ஏற்பட்ட காயம் காரணமாக மூன்று வகையான
கிரிக்கெட்டிலும் இந்திய அணிக்காக அறிமுகமாகி அற்புதமான ஆட்டத்தை வெளிப்படுத்தி
இருந்தார்.

மேலும் அந்த ஆஸ்திரேலிய டெஸ்ட் தொடரை கைப்பற்றிய இந்திய அணியில் இடம் பிடித்திருந்த
இளம் வீரர்களில் நடராஜன் அனைவரது கவனத்தையும் ஈர்த்தார். அதுமட்டுமின்றி இளம்
வீரர்களின் சிறப்பான செயல்பாட்டால் அந்த ஆஸ்திரேலிய டெஸ்ட் தொடரையும் அசத்தலாக
இந்திய அணி கைப்பற்றியது. அப்போது இந்திய அணியில் நடராஜன், வாஷிங்டன் சுந்தர்,
ஷர்துல் தாகூர், நவ்தீப் சைனி, சுப்மன் கில், சிராஜ் ஆகியோர் டெஸ்ட் தொடரில் இந்திய
அணிக்காக முதன்முறையாக அறிமுகம் ஆகி இருந்தனர்.

இதனால் அவர்களை ஊக்கப்படுத்தும் விதமாக அந்த டெஸ்ட் தொடர் முடிந்த பிறகு மஹிந்திரா
நிறுவனத்தின் உரிமையாளரான ஆனந்த் மஹிந்திரா, ஆஸ்திரேலிய தொடரில் அறிமுகமான
அனைத்து இளம் வீரர்களுக்கும் மஹிந்திரா தார் காரை பரிசாக அளிப்பதாக அறிவித்திருந்தார்.
கடந்த ஜனவரி மாதம் அறிவித்தபடி எல்லோருக்கும் சில தினங்களுக்கு முன்னர் கார் பரிசாக
அளிக்கப்பட்டது. இந்நிலையில் தனக்கு கிடைத்த இந்த மஹிந்திரா தார் காரை தனது
பயிற்சியாளரும், வளர்ச்சிக்கு முக்கியமான இருப்பவருமான ஜெயபிரகாஷ்க்கு பரிசாக
அளித்துள்ளார் நடராஜன். மேலும் அவருக்கு காரை பரிசாக அளித்த புகைப்படமும் தற்போது
இணையத்தில் வைரலாகி வருகிறது.