ஐபிஎல் 2021 : ஈயன் மோர்கன் விளையாடுவது உறுதி!

கரோனா அச்சுறுத்தல் காரணமாக இந்தியாவில் நடத்துப்பட்டு வந்த ஐபிஎல் தொடரின் 14ஆவது சீசன் தற்போது ஐக்கிய அரபு அமீரகத்திற்கு மாற்றப்பட்டுள்ளது. 

இதையடுத்து இத்தொடருக்கான அனைத்து அணிகளும் தங்களை தீவிரமாக தயார்படுத்தி வருகின்றன. ஆனால் டி20 உலகக்கோப்பை தொடரைக் கருத்தில் கொண்ட பல நாட்டு வீரர்கள் இத்தொடரிலிருந்து விலகியுள்ளனர். 

அதேசமயம் பல நாட்டு கிரிக்கெட் வாரியங்களும் தங்கள் வீரர்களை அனுப்ப மறுப்பு தெரிவித்துள்ளன. அந்த வரிசைல் இங்கிலாந்து, ஆஸ்திரேலியா வீரர்கள் நடப்பாண்டு ஐபிஎல் சீசனில் பங்கேற்க மாட்டார்கள் என்ற தகவல் வெளியாகியுள்ளது.

இந்நிலையில் செப்டம்பர் மாதம் நடைபெற இருந்த வங்கதேசம் - இங்கிலாந்து அணிகளுக்கு இடையேயான ஒருநாள் மற்றும் டி20 தொடர் 2023ஆம் ஆண்டு ஒத்திவைப்பதாக இருநாட்டு கிரிக்கெட் வீரர்களும் அறிவித்தனர். 

இதனால் இங்கிலாந்து அணி வீரர்கள் நடப்பு ஐபிஎல் சீசனில் பங்கேற்கும் வாய்ப்பை பெறுவார்கள் என்பது உறுதியாகியுள்ளது. அதிலும் கோல்கத்த நைட் ரைடர்ஸ் அணியின் கேப்டன் ஈயன் மோர்கன் நிச்சயம் களமிறங்குவார் என்ற தகவல்கள் வெளியாகியுள்ளன.