டி20 உலகக்கோப்பை: மூன்று நட்சத்திர வீரர்கள் அவுட்; தென் ஆப்பிரிக்க அணி அறிவிப்பு!

ஐக்கிய அரபு அமீரகம் மற்றும் ஓமனில் நடைபெறும் டி20 உலகக்கோப்பை தொடர் ரசிகர்கள் மத்தியில் பெரும் எதிர்பார்ப்புகளை கிளப்பி வருகிறது. இதில் பங்கேற்கவுள்ள இந்தியா, இங்கிலாந்து, ஆஸ்திரேலியா, நியூசிலாந்து உள்ளிட்ட அணிகள் தங்கள் அணியை அறிவித்துள்ளன. 

இந்நிலையில் பெரிதும் எதிர்பார்க்கப்பட்ட தென் ஆப்பிரிக்க அணியை அந்நாட்டு கிரிக்கெட் வாரியம் இன்று அறிவித்துள்ளது.

டெம்பா பவுமா தலைமையிலான தென் ஆப்பிரிக்க அணியில், பெரிதும் எதிர்பார்க்கப்பட்ட முன்னாள் கேப்டன் ஃபாஃப் டூ பிளெசிஸ், கிறிஸ் மோரிஸ், இம்ரான் தாஹீர் ஆகியோருக்கு இடமில்லை. 

சமீபத்தில் டூ பிளெசிஸ் கரீபியன் பிரிமியர் லீக் தொடரில் சதமடித்து அசத்தியிருந்தார். அதேசமயம் கடந்த ஐபிஎல் வீரர்கள் ஏலத்தின் போது கிறிஸ் மோரிஸ் ஐபிஎல் வரலாற்றிலேயே அதிக விலைக்கு ஒப்பந்தம் செய்யப்பட்டார் என்பது குறிப்பிடத்தக்கது.

அதேசமயம் இந்தியாவை பூர்விகமாக கொண்ட கேசவ் மகாராஜ் தென் ஆப்பிரிக்க அணியில் இடம்பிடித்துள்ளது குறிப்பிடத்தக்கது.

Also Read: இந்திய அணியின் இங்கிலாந்து சுற்றுப்பயணம், 2021

தென் ஆப்பிரிக்க அணி: டெம்பா பாவுமா (கே), கேசவ் மகாராஜ், குயின்டன் டி காக், பிஜோர்ன் ஃபோர்டுயின், ரீசா ஹென்ட்ரிக்ஸ், ஹென்ரிச் கிளாசென், ஐடன் மார்க்ரம், டேவிட் மில்லர், வியான் முல்டர், லுங்கி இங்கிடி, அன்ரிச் நோர்ட்ஜே, டுவைன் பிரிடோரியஸ், ககிசோ ரபாடா, தப்ரைஸ் ஷம்ஸி, ரஸ்ஸி வான்டெர் டூசன்.