NED vs NZ, 1st T20I: நியூசிலாந்தை திணறவைத்த நெதர்லாந்து!

நெதர்லாந்தில் சுற்றுப்பயணம் மேற்கொண்டுள்ள நியூசிலாந்து அணி இரண்டு போட்டிகள் கொண்ட டி20 தொடரில் விளையாடி வருகிறது. இதில் இரு அணிகளுக்கும் இடையேயான முதலாவது டி20 போட்டி ஹேக்கில் நடைபெற்று வருகிறது. 

இப்போட்டியில் டாஸ் வென்ற நியூசிலாந்து அணி முதலில் பேட்டிங் செய்யத்தீர்மானித்தது. அதன்படி களமிறங்கிய நியூசிலாந்து அணியில் ஃபின் ஆலன், தனே கிளெவர், டெரில் மிட்செல் ஆகியோர் சொற்ப ரன்களுக்கு ஆட்டமிழந்து பெவிலியன் திரும்பினர்.  

மறுமுனையில் அதிரடியாக விளையாடி வந்த மார்ட்டின் கப்தில் அரைசதம் அடிப்பார் என எதிர்பார்க்கப்பட்ட நிலையில் 45 ரன்களில் ஆட்டமிழந்து அரைசதம் அடிக்கும் வாய்ப்பையும் தவறவிட்டார். 

அதன்பின் களமிறங்கிய கிளென் பிலீப்ஸ் 13, அதிரடியாக விளையாடிய ஜேம்ஸ் நீஷம் 32 ரன்களிலும் விக்கெட்டுகளை இழந்தனர். அதன்பின் இரண்டி சிக்சர்கள், ஒரு பவுண்டரியை விளாசிய இஷ் சோதியும் 19 ரன்களுக்கு நடையைக் கட்டினார்.

இதனால் 20 ஓவர்கள் முடிவில் நியூசிலாந்து அணி 7 விக்கெட்டுகளை இழந்து 147 ரன்களை மட்டுமே சேர்த்தது. நெதர்லாந்து அணி தரப்பில் லோகன் வேன் பீக், ஷாரிஸ் அஹ்மத் தலா 2 விக்கெட்டுகளை கைப்பற்றினர்.