சர்வதேச கிரிக்கெட்டிலிருந்து காலின் டி கிராண்ட்ஹொம் ஓய்வு!

 நியூசிலாந்து கிரிக்கெட் வீரர் காலின் டி கிராண்ட்ஹோம். சமகால கிரிக்கெட்டின் மிகச்சிறந்த ஆல்ரவுண்டர்களில் ஒருவராகவும் காலின் டி கிராண்ட்ஹோம் இருந்து வருகிறார்.

கேன் வில்லியம்சன் தலைமையிலான நியூசிலாந்து அணி சாதித்த தொடர்களில் காலின் டி கிராண்ட்ஹோமின் பங்களிப்பு அளப்பரியது. காலின் டி கிராண்ட்ஹோம் நியூசிலாந்துக்காக இதுவரை விளையாடிய 29 டெஸ்ட் போட்டிகளில் அந்த அணி 18 வெற்றிகளை பெற்றுள்ளது.

அதேபோல் நியூசிலாந்துக்கு அணிக்காக இதுவரை 29 டெஸ்ட், 45 ஒருநாள், 41 டி20 போட்டிகளில் விளையாடி 2500க்கும் அதிகமான ரன்களையும், 92 விக்கெட்டுகளையும் கைப்பற்றியுள்ளா.

இந்நிலையில், தற்போது 36 வயதான காலின் டி கிராண்ட்ஹோம் சர்வதேச கிரிக்கெட்டிலிருந்து ஓய்வு அறிவித்துள்ளார். குடும்பத்துடன் நேரம் செலவழித்து குடும்பத்தை கவனிக்க வேண்டியதால், சர்வதேச கிரிக்கெட்டிலிருந்து ஓய்வுபெற இதுவே சரியான தருணம் எனக்கூறி ஓய்வு அறிவித்துள்ளார் காலின் டி கிராண்ட்ஹோம். 

முன்னதாக ஆஸ்திரேலியாவின் டி20 லீக் தொடரான பிக் பேஷ் லீக் தொடரின் அணியான அடிலெய்ட் ஸ்டிரைக்கர்ஸ் அணிக்காக விளையாட காலின் டி கிராண்ட்ஹோம் ஒப்பந்தமாகியுள்ளது குறிப்பிடத்தக்கது.