ஓமனில் நான்கு அணிகள் பங்கேற்கும் டி20 தொடர் நடைபெற்று வருகிறது. இத்தொடரில் ஓமன், அயர்லாந்து, நேபாள், ஐக்கிய அரபு அணிகள் விளையாடுகின்றன.
இதில் இன்று நடைபெற்ற மூன்றாவது போட்டியில் ஓமன் - அயர்லாந்து அணிகள் பலப்பரீட்சை நடத்தின. இப்போட்டியில் முதலில் பேட்டிங் செய்த ஓமன் அணி 19.2 ஓவர்களிலேயே அனைத்து விக்கெட்டுகளையும் இழந்து 137 ரன்களை மட்டுமே எடுத்தது.
அந்த அணியில் அதிகபட்சமாக சோயிப் கான் 57 ரன்களைச் சேர்த்தார். அயர்லாந்து அணி தரப்பில் மார்க் அதிர், சிமி சிங் தலா 3 விக்கெட்டுகளைக் கைப்பற்றினர்.
இதையடுத்து இலக்கை துரத்திய அயர்லாந்து அணிக்கு பால் காலிங்வுட் - ஆண்ட்ரூ பால்பிர்னி இணை அதிரடியாக விளையாடி அணியை வெற்றிக்கு அழைத்துச் சென்றனர்.
இதில் அபாரமாக விளையாடிய இருவரும் அரைசதம் கடந்தும் அசத்தினர். இதன்மூலம் 17.1 ஓவர்களிலேயே அயர்லாந்து அணி இலக்கை எட்டி, 9 விக்கெட் வித்தியாசத்தில் ஓமனை வீழ்த்தி வெற்றிபெற்றது.
இதில் இறுதிவரை களத்திலிருந்து 75 ரன்களை விளாசி அணிக்கு வெற்றியைத் தேடித்தந்த அயர்லாந்து கேப்டன் ஆண்ட்ரூ பால்பிர்னி ஆட்டநாயகனாகத் தேர்வு செய்யப்பட்டார்.