PAK vs WI, 1st T20I: போட்டி முன்னோடம் & உத்தேச அணி!

பாகிஸ்தானில் சுற்றுப்பயணம் மேற்கொண்டுள்ள வெஸ்ட் இண்டீஸ் அணி மூன்று போட்டிகள் கொண்ட டி20 மற்றும் ஒருநாள் தொடரில் விளையாடவுள்ளது.

இரு அணிகளுக்கும் இடையேயான முதல் டி20 போட்டி நாளை கராச்சி மைதானத்தில் நடைபெறுகிறது. இப்போட்டிக்காக இரு அணி வீரர்களும் தீவிரமாக தயாராகி வருகின்றன. 

இந்நிலையில் வெஸ்ட் இண்டீஸ் அணியைச் சேர்ந்த ஷெல்டன் காட்ரெல், ரோஸ்டன் சேஸ், கைல் மேயர்ஸ் ஆகியோருக்கு இன்று கரோனா தொற்று உறுதிசெய்யப்பட்டது. 

இதன் காரணமாக அவர்கள் மூவரும் தனிமைப்படுத்தப்பட்டுள்ளாதால், அவர்களாக டி20 தொடரில் பங்கேற்க முடியாத சூழல் ஏற்பட்டுள்ளது.

அதேசமயம் நிக்கோலஸ் பூரன் தலைமையில் களமிறங்கும் வெஸ்ட் இண்டீஸ் அணியில் பொல்லார்ட், கிறிஸ் கெயில், ஜேசன் ஹோல்டர் உள்ளிட்ட மூத்த வீரர்கள் இல்லாமல் இருப்பது சற்று பின்னடைவாக பார்க்கப்படுகிறது.

பாபர் ஆசாம் தலைமையிலான பாகிஸ்தான் அணி கடந்த சில ஆண்டுகளாக டி20 கிரிக்கெட்டில் சாதனைப் படைத்து வருகிறது. அதிரடியான பேட்டிங், மிரட்டலான பந்துவீச்சு என முழு ஃபார்மில் இருக்கும் பாகிஸ்தான் அணி நிச்சயம் இத்தொடரை வெல்லும் என்று எதிர்பார்க்கப்படுகிறது.

ஆனாலும் சோயப் மாலிக், ஹசன் அலி உள்ளிட்ட வீரர்களுக்கு ஓய்வளிக்கப்பட்டுள்ளதால் பாகிஸ்தான் அணிக்கு சற்று சறுக்கலை ஏற்படுத்தும் என கருதப்படுகிறது. 

உத்தேச அணி

பாகிஸ்தான்: பாபர் ஆசாம் (கே), முகமது ரிஸ்வான், ஃபகர் ஸமான், ஹைதர் அலி, குஷ்தில் ஷா, ஆசிப் அலி, ஷதாப் கான், முகமது நவாஸ், ஹாரிஸ் ரவுஃப், ஷாஹீன் அஃப்ரிடி, ஷாநவாஸ் தஹானி.

வெஸ்ட் இண்டீஸ்: ஷாய் ஹோப், பிராண்டன் கிங், டேரன் பிராவோ, நிக்கோலஸ் பூரன் (கே), ரோவ்மேன் பவல், ரொமாரியோ ஷெஃப்பர்ட், ஒடியன் ஸ்மித், டொமினிக் டிரேக்ஸ், அக்கேல் ஹொசைன், ஹேடன் வால்ஷ், ஓஷேன் தாமஸ்.