சமூக வலைதளத்தில் வைரலாகும் பாபர் ஆசாமின் பதிவு!

பாகிஸ்தான் அணியின் கேப்டனும், உலகின் தலைசிறந்த பேட்ஸ்மேன்களில் ஒருவரானவரும் பாபர் அசாம். இவர் பாகிஸ்தானின் அனைத்து விதாமன கிரிக்கெட் அணியின் கேப்டனாக செயல்பட்டு வருகிறார். 

இந்நிலையில் பாபர் அசாம் தனது வாழ்க்கை வரலாறு புத்தகத்தை வெளியிட போவதாக தனது ட்விட்டர் பக்கத்தில் தெரிவித்துள்ளார். 

“பாபர் கி கஹானி” என்று பெயர் சூட்டப்பட்டுள்ள அப்புத்தகத்தின் வெளியீட்டு தேதியை குறிக்கும் வகையில் பாபர் அசாம் புகைப்படத்தை வெளியிட்டுள்ளார். தற்போது இவரது பதிவு சமூக வலைதளங்களில் வைரலாகி வருகிறது. 

பாகிஸ்தான் அணிக்காக 2015ஆம் ஆண்டு அறிமுகமான பாபர் அசாம், இதுவரை 33 டெஸ்ட், 80 ஒருநாள், 54 டி20 போட்டிகளில் விளையாடி 7ஆயிரத்திற்கும் அதிகமான ரன்களைக் குவித்துள்ளார் என்பது குறிப்பிடத்தக்கது.