பிஎஸ்எல் 2021: முன்ரோ, அஹ்மத் அதிரடியில் அபார வெற்றிபெற்ற இஸ்மாலாபாத் யுனைடெட்!

அபுதாபியில் நடைபெற்று வரும் பிஎஸ்எல் தொடரின் 22ஆவது லீக் ஆட்டத்தில் இஸ்லாமாத் யுனைடெட் - கராச்சி கிங்ஸ் அணிகள் பலப்பரீட்சை நடத்தின. இப்போட்டியில் டாஸ் வென்ற இஸ்லாமாபாத் யுனைடெட் அணி முதலில் பந்து வீச முடிவு செய்தது. 

அதன்படி களமிறங்கிய கராச்சி கிங்ஸ் அணியில் பாபர் அசாம் - நஜிபுல்லா ஸட்ரான் இணை அதிரடியான ஆட்டத்தை வெளிப்படுத்தி அணியின் ஸ்கோரை உயர்த்தியது. அதேசயம் இருவரும் அரைசதம் கடந்தும் அசத்தினர். 

இதனால் 20 ஓவர்கள் முடிவில் கராச்சி கிங்ஸ் அணி 4 விக்கெட் இழப்பிற்கு 190 ரன்களை குவித்தது. அந்த அணியில் அதிகபட்சமாக பாபர் அசாம் 81 ரன்களையும், நஜிபுல்லா ஸட்ரான் 71 ரன்களை சேர்த்தனர். 

இதையடுத்து இமாலய இலக்கை துரத்திய இஸ்லாமாபாத் யுனைடெட் அணியில் தொடக்க வீரர் காலின் முன்ரோ ஆரம்பம் முதலே அதிரடியான ஆட்டத்தை வெளிப்படுத்தி அரைசதம் கடந்தார். 

அவருடன் இணைந்து விளையாடிய இஃப்திகார் அஹ்மதும் அரைசதம் கடந்து அணியின் வெற்றிக்கு உதவினார். இதன் மூலம் 18.4 ஓவர்களிலேயே இஸ்லாமாபாத் யுனைடெட் அணி வெற்றி இலக்கை எட்டி 8 விக்கெட் வித்தியாசத்தில் வெற்றிபெற்று அசத்தியது. 

இஸ்லாமாபாத் யுனைடெட் அணியில் காலின் முன்ரோ 88 ரன்களுடனு, இஃப்திகார் அஹ்மத் 71 ரன்களையும் சேர்த்து இறுதிவரை ஆட்டமிழக்காமல் அணிக்கு வெற்றியைத் தேடித்தந்தனர்.