பிஎஸ்எல் 2022: முல்தான் சுல்தான்ஸுக்கு 175 டார்கெட்!

பாகிஸ்தான் சூப்பர் லீக் டி20  இன்று நடைபெற்ற 23ஆவது லீக் ஆட்டத்தில் முலதான் சுல்தான்ஸ் - கராச்சி கிங்ஸ் அணிகள் பலப்பரீட்சை நடத்தின.

இப்போட்டியில் டாஸ் வென்று கராச்சி கிங்ஸ் அணி முதலில் பேட்டிங் செய்ய தீர்மானித்தது. அதன்படி களமிறங்கிய அந்த அணியில் கேப்டன் பாபர் ஆசாம் 2 ரன்களில் ஆட்டமிழந்து ஏமாற்றமளித்தார்.

அதன்பின் ஜோடி சேர்ந்த சர்ஜீல் கான் - ஜோ கிளார்க் ஆகியோர் அதிரடியாக விளையாடி அணியின் ஸ்கோரை உயர்த்தினர். பின் சர்ஜீல் கான் 36 ரன்களிலும், ஜோ கிளார்க் 40 ரன்களில் ஆட்டமிழந்து வெளியேறினார்.

இறுதியில் இமாத் வாசிம் அதிரடியாக விலையாடி 32 ரன்களைச் சேர்த்தார். இதன்மூலம் 20 ஓவர்கள் முடிவில் 6 விக்கெட் இழப்பிற்கு 174 ரன்களைச் சேர்த்தது. முல்தான் சுல்தான்ஸ் தரப்பில் தஹானி 2 விக்கெட்டுகளைக் கைப்பற்றினர்.