பிஎஸ்எல் 2022: கிளாடியேட்டர்ஸை வீழ்த்தி கலந்தர்ஸ் அபார வெற்றி!

பாகிஸ்தான் சூப்பர் லீக் டி20 தொடரில் நேற்று நடைபெற்ற 20ஆவது லீக் ஆட்டத்தில் லாகூர் கலந்தர்ஸ் - குயிட்டா கிளாடியேட்டர்ஸ் அணிகள் பலப்பரீட்சை நடத்தின...

இப்போட்டியில் முதலில் பேட்டிங் செய்த குயிட்டா கிளாடியேட்டர்ஸ் அணி 20 ஓவர்கள் முடிவில் 7 விக்கெட்டுகளை இழந்து 141 ரன்களை மட்டுமே எடுத்தது.

இதில் அதிகபட்சமாக இஃப்திகார் அஹ்மத் 52 ரன்களை விளாசினார். கலந்தர்ஸ் அணி தரப்பில் கேப்டன் ஷாஹின் அஃப்ரிடி 2 விக்கெட்டுகளைக் கைப்பற்றினார்.

இதையடுத்து இலக்கைத் துரத்திய லாகூர் கலந்தர்ஸ் அணியில் ஃபகர் ஸமான் - காம்ரன் குலாம் இணை அதிரடியான தொடக்கத்தைக் கொடுத்தனர்.

இதில் அபார ஆட்டத்தை வெளிப்படுத்திய இருவரும் அரைசதம் கடந்து அணியின் வெற்றிக்கு வழிவகுத்தனர். இதன்மூலம் கலந்தர்ஸ் அணி 17.4 ஓவர்களிலேயே இலக்கை எட்டியதுடன், 8 விக்கெட் வித்தியாசத்தில் குயிட்டா கிளாடியேட்டர்ஸையும் வீழ்த்தியது.