பிஎஸ்எல் 2022: இஸ்லாமாபாத்தை பந்தாடியது கலந்தர்ஸ்!

பாகிஸ்தான் சூப்பர் லீக் டி20 தொடரில் இன்று நடைபெற்ற 12ஆவது லீக் ஆட்டத்தில் இஸ்லாமாபாத் யுனைடெட் - லாகூர் கலந்தர்ஸ் அணிகள் பலப்பரீட்சை நடத்தின. 

இப்போட்டியில் முதலில் பேட்டிங் செய்த லாகூர் கலந்தர்ஸ் அணி 20 ஓவர்கள் முடிவில் 9 விக்கெட்டுகளை இழந்து 174 ரன்களைச் சேர்த்தது. இதில் அதிகபட்சமாக அப்துல்லா ஷஃபிக் 44 ரன்களைச் சேர்த்தார். 

கலந்தர்ஸ் அணி தரப்பில் மக்சூத், ஷதாப் கான் தலா 4 விக்கெட்டுகளைக் கைப்பற்றினர். இதையடுத்து 175 ரன்கள் எடுத்தால் வெற்றி என்ற கடின இலக்குடன் இஸ்லாமாபாத் அணி களமிறங்கியது. 

அந்த அணியில் பால் ஸ்டிர்லிங், அலெக்ஸ் ஹேல்ஸ் ஆகியோர் சொற்ப ரன்களில் ஆட்டமிழந்தனர். பின்னர் ஜோடி சேர்ந்த காலின் முன்ரோ - ஷதாப் கான் இணை அதிரடியாக விளையாடி அணியின் ஸ்கோரை உயர்த்தினர். இதில் இருவரும் அரைசதம் கடந்தனர். 

அதன்பின் 52 ரன்களில் ஷதாக் கான் ஆட்டமிழக்க, 60 ரன்களில் முன்ரோவும் விக்கெட்டை இழந்தார். இதனால் 20 ஓவர்கள் முடிவில் அந்த அணி 5 விக்கெட் இழப்பிற்கு 166 ரன்களை மட்டுமே எடுத்தது. 

இதன்மூலம் லாகூர் கலந்தர்ஸ் அணி 8 ரன்கள் வித்தியாசத்தில் இஸ்லாமாபாத் யுனைடெட் அணியை வீழ்த்தி அபார வெற்றிபெற்றது.