SA vs BAN, 1st ODI: வங்கதேசம் அபார பேட்டிங்; தென் ஆப்பிரிக்காவுக்கு 315 இலக்கு!
தென் ஆப்பிரிக்காவில் சுற்றுப்பயணம் செய்துவரும் வங்கதேச அணி மூன்று போட்டிகள் கொண்ட ஒருநாள் மற்றும் டெஸ்ட் தொடரில் விளையாடுகிறது.
இதில் இன்று செஞ்சூரியனில் தொடங்கிய முதல் ஒருநாள் போட்டியில் டாஸ் வென்ற தென் ஆப்பிரிக்க அணி முதலில் பந்துவீச தீர்மானித்தது.
அதன்படி களமிறங்கிய வங்கதேச அணிக்கு கேப்டன் தமிம் இக்பால் - லிட்டன் தாஸ் இணை அபாரமான தொடக்கத்தைக் கொடுத்தனர். இதில் தமிம் இக்பால் 41 ரன்களில் ஆட்டமிழக்க, லிட்டன் தாஸ் அரைசதம் அடித்த கையோடு வெளியேறினார்.
அதன்பின் களமிறங்கிய ஷாகிப் அல் ஹசன் -யாசிர் அலி இணையும் அதிரடியாக விளையாடி அணியின் ஸ்கோரை மளமளவென உயர்த்தினர். இதில் இருவரும் அரைசதம் கடந்தனர்.
இதையடுத்து 77 ரன்களில் ஷாகிப் விக்கெட்டை இழக்க, 50 ரன்களில் யசிர் அலி ஆட்டமிழந்தார். இதனால் 50 ஓவர்கள் முடிவில் வங்கதேச அணி 7 விக்கெட்டுகளை இழந்து 314 ரன்களைச் சேர்த்தது.
தென் ஆப்பிரிக்க அணி தரப்பில் மார்கோ ஜான்சென், கேசவ் மகாராஜ் தலா 2 விக்கெட்டுகளைக் கைப்பற்றினர்.