தி ஹண்ரட்: பில்லிங்ஸ், கரண் அதிரடியில் ஓவல் அசத்தல் வெற்றி!

தி ஹண்ரட் ஆடவர் தொடரில் நேற்று நடைபெற்ற 16ஆவது லீக் ஆட்டத்தில் ஓவல் இன்விசிபிள் - வெல்ஷ் ஃபையர் அணிகள் விளையாடவுள்ளன. இப்போட்டியில் டாஸ் வென்ற ஓவல் அணி முதலில் பந்துவீச தீர்மானித்தது.

அதன்படி களமிறங்கிய வெல்ஷ் ஃபையர் அணி 100 பந்துகள் முடிவில் 7 விக்கெட்டுகளை இழந்து 121 ரன்களை சேர்த்தது. இதில் அதிகபட்சமாக டக்கெட் 65 ரன்களைச் சேர்த்தார். ஓவல் அணி தரப்பில் டாம் கரண் 3 விக்கெட்டுகளைக் கைப்பற்றினார். 

அதன்பின் எளிய இலக்கை நோக்கி களமிறங்கிய ஓவல் இன்விசிபிள் அணியில் ஜேசன் ராய், வில் ஜேக்ஸ், சுனில் நரைன் என அடுத்தடுத்து விக்கெட்டுகளை இழந்து பெவிலியன் திரும்பினர். 

இருப்பினும் கேப்டன் சாம் பில்லிங்ஸ் அதிரடியாக விளையாடி அணியை வெற்றிக்கு அழைத்துச் சென்றார். இதன் மூலம் ஓவல் இன்விசிபிள் அணி 6 விக்கெட் வித்தியாசத்தில் வெல்ஷ் ஃபையர் அணியை வீழ்த்தி வெற்றிபெற்றது.