நியூசிலாந்து சுற்றுப்பயணம் மேற்கொள்ளும் இந்திய மகளிர் அணி!

அடுத்தாண்டு பிப்ரவரி மாதம் இந்திய மகளிர் அணி நியூசிலாந்தில் சுற்றுப்பயணம் மேற்கொண்டு 5 ஒருநாள் மற்றும் ஒரே டி20 போட்டி கொண்ட தொடரில் விளையாடவுள்ளது.

அடுத்த ஆண்டு நடைபெறும் மகளிர் ஒருநாள் உலகக்கோப்பை தொடருக்காக அனைத்து அணிகளும் இப்போதிலிருந்தே தீவிரமாக தயாராகி வருகின்றன. 

அந்த வகையில் இந்திய மகளிர் அணியும் தயாராகி வருகிறது. இந்நிலையில் உலகக்கோப்பை தொடருக்கு முன்னதாக இந்திய மகளிர் அணி நியூசிலாந்தில் சுற்றுப்பயணம் மேற்கொள்ளவுள்ளது. 

அதன்படி 5 ஒருநாள் மற்றும் ஒரு டி20 போட்டி அடங்கிய தொடரில் இந்திய மகளிர் அணி விளையாடவுள்ளது. இத்தொடருக்கான இடம் மற்றும் தேதி இன்று அறிவிக்கப்பட்டுள்ளது. 

தொடர் அட்டவணை

• முதல் டி20- பிப்ரவரி 9 - நேப்பீயர்
• முதல் ஒருநாள் - பிப்ரவரி 11 -நேப்பீயர்
• இரண்டாவது ஒருநாள் - பிப்ரவரி 14- நெல்சன்
• மூன்றாவது ஒருநாள் - பிப்ரவரி 16 - நெல்சன்
• நான்காவது ஒருநாள் - பிப்ரவரி 22- குயின்ஸ்லேண்ட்
• ஐந்தாவது ஒருநாள் - பிப்ரவரி 24- குயின்ஸ்லேண்ட்