IND vs SL : பரபரப்பான ஆட்டத்தில் இலங்கை த்ரில் வெற்றி!

இந்தியா - இலங்கை அணிகளுக்கு இடையேயான இரண்டாவது டி20 கிரிக்கெட்  போட்டி இன்று நடைபெற்றது. இப்போட்டியில் டாஸ் வென்ற இலங்கை அணி முதலில் பந்துவீச முடிவு செய்தது. 

அதன்படி களமிறங்கிய இந்திய அணியில் ருதுராஜ் கெய்க் வாட் (21), தேவ்தத் படிக்கல் (29), ஷிகர் தவான் (40) என அடுத்தடுத்து விக்கெட்டுகளை இழந்தனர்.

அதன்பின் களமிறங்கிய வீரர்களும் அடுத்தடுத்து விக்கெட்டுகளை இழந்து பெவிலியன் திரும்பினர். இதனால் 20 ஓவர்கள் முடிவில் 5 விக்கெட்டுகள் இழப்பிற்கு 132 ரன்களை மட்டுமே எடுத்தது. 

அதன்பின் களமிறங்கிய இலங்கை அணியில் அவிஷ்கா ஃபெர்னண்டோ, சதீரா, தசுன் ஷானகா ஆகியோர் சொற்ப ரன்களில் ஆட்டமிழந்து பெவிலியன் திரும்பினர். 

அதன்பின் ஜோடி சேர்ந்த மினோத் பானுகா - தனஞ்செய டி சில்வா ஆகியோர் நிதானமாக விளையாடி அணியின் ஸ்கோரை உயர்த்தியது. பின்னர் மினோத் பானுகா 36 ரன்களில் ஆட்டமிழக்க, தனஞ்செய டி சில்வா இறுதிவரை ஆட்டமிழக்கமால் அணிக்கு வெற்றியைத் தேடித்தந்தார். 

இதன் மூலம் இலங்கை அணி 4 விக்கெட் வித்தியாசத்தில் இந்தியாவை வீழ்த்தி, மூன்று போட்டிகள் கொண்ட டி20 தொடரை 1-1 என்ற கணக்கில் சமன்செய்தது.